شريف منير يوجه بلاغ جديد للنائب العام ومباحث الانترنت
وجه الفنان شريف منير، رسالة لجمهوره عبر حسابه الشخصي على موقع تبادل الصور والفيديوهات "إنستجرام".
ونشر شريف منير، فيديو وظهر فيه قائلاً: "فيه ناس زعلانة اني حاطط علم مصر ورايا بس الحقيقة أن العلم ده هيفضل ملازمني ومعايا لحد ما أتلف بيه وأنزل بيه القبر".
وتابع: "العلم ده في بيتي، بيتي وأنا حر فيه أحط وأقول فيه اللي أنا عاوزه، إنما بقا الحرامية اللي دخلوا على صفحتي بإنستجرام وسرقه صورتي بعلم مصر اللي تاعبهم وبيتريقوا عليه وعاوز أعرف اللي بيتريق على علم مصر ده يتقيم ب ايه".
وأضاف: "حذفوا صورتي وأنا شايل تيشيرت محمد صلاح وصورة بناتي اللي عملت قلق كبير وبشكر الناس اللي دعمتني في مصر والوطن العربي كله وكل البلاد أمريكا، فرنسا، كندا وكان دعم غير طبيعي، قليل الأدب هيتجازة''.
واستكمل: "لكن الحرامية اللي من النوع التاني سرقوا فيديوهات من صفحتي لحب مصر وتدعيم الجيش المصري، شالوا الصور اللي مديقاهم وسابوا الحاجات اللي على مزاجهم".
واختتم قائلاً: "أنا مش على مزاجكم وبوجه بلاغ تاني للنائب العام ومباحث الانترنت خليكم حواليا علشان فيه ناس حرامية بتسرقني وناس بتهاجم الصفحة وأنا مبستسلمش، أنا مبخافش وبقولكم هفضل موجود وعلم مصر ده هيفضل موجود معايا في كل مكان".
