شقيقة طليق المطربة "بوسي" للرئيس: أنقذ أخويا من ظلمها

استغاثت شقيقة وليد محمد عاشور طليق المطربة "بوسي" والشهير بـ"فطين"، بالسيد الرئيس عبد الفتاح السيسي رئيس جمهورية مصر العربية، بعد القبض على شقيقها من قبل مباحث تنفيذ الأحكام مؤخرَا، واختفائه دون معرفة أي تفاصيل عن مكانه.

 

وقالت شقيقة طليق المطربة "بوسي"، في بث مباشر تداوله مستخدمي مواقع التواصل الاجتماعي: "أنا طالعة دلوقت بتكلم معاكم في إزاي عايزة انقذ أخويا من ظلم الفنانة بوسي، طبعا هي معروفة جدًا وكلوا عارف أخويا طلعها سابع سماء وهي نزلته سابع أرض، وأنا بستغيث بالرئيس عبد الفتاح السيسي".

 

وتابعت: "أخويا بيضيع ياريس هتموته بجد، بتوع تنفيذ الأحكام جم أخدوه من بيته في الهرم، ومتوصي عليه كويس جدًا ومش لاقينه كل مانروح قسم الهرم أو الطالبية مش لاقينه، وبعدين اتأكدنا إنه موجود هناك من واحد كان محبوس هناك".

 

واستكملت: "بيضغطوا على أخويا وبينزلوه أوضه تحت السلم عشان خاطر يتنازل عن الشيكات اللي هو رافعها على بوسي، بسبب خلافات حصلت مابينهم هو اللي شهرها ووداها للسبكي وصارف عليها كل فلوسه، لفقتله قضية لما عرف أنها إنسانة خاينة، ومتستاهلش ولازم أي راجل ياخد موقف من واحدة خاينة".

 

واختتمت حديثها: "هي طبعا مخلصهاش أنه ياخد موقف منها فراحت ولفقت له قضية واتفقت مع ناس كبير ومسؤلين في البلد، طب أنا أخويا عنده قضية يروح ويشوف هيتعمل معاه إيه انما ميحصلش كدة، وجينا نشوف كاميرات العمارة ونفرغها لقيناها اتشالت عاملين مؤامرة على أخويا".