بالفيديو.. سر نجاح الكنافة بالكريمة

عشان تعملي كنافة بكل أنواعها في رمضان لازم تعرفي الأول إيه الأسرار اللي بتخليها ناجحة وطعمها لذيذ

استخدمي أي نوع من الكنافة بس  خلي بالك علشان متكونش كتلة واحدة ومتماسكة 

استخدمي مع السمنة البلدي معلقة من الزبد للحصول على كنافة طرية زي المحلات

الكنافة بتعتمد بشكل أساسي على السكر والفانيليا علشان تدينا طعم حلو وريحة مميزة

لو هتعملي الكنافة بالكريمة وانتي بتحضريها متضفيلهاش سكر علشان متبقاش تقيلة على المعدة وحطي لكل كيلو حليب 70 جرام نشا، وبعد غلي الحليب قلبي فيه النشا كويس وخليه يبرد، ولو معندكيش نشا ممكن تضيفي بداله سحلب وهيديكي نفس الطعم وأحلى كمان

قبل ما تقومي بحشو الكنـافة ضيفيليها سمنة سايحة، لتحصلين على مذاق جيد وطعم مميز

ولما تحرجيها من الفرن حاولي تقلبيها بالراحة علشان لو فيها سمنة متنزلش عليكي ودخليها الفرن تاني علشان تااخد الوش النهائي.

وانتي بتعملي الشربات اعرفي ان شربات الكنافة بيكون أتقل من شربات البسبوسة

وبيكون عبارة عن كوب ماء - كوب ونصف سكر - نصف ليمونة مقطعة - نصف ملعقة فانيليا.

وعشان الشربات بتاعك يكون ناجح نزليه من على النار بعد الغليان بـ3 دقايق بالظبط لان لو استنى اكتر من كده هيتغير لونه وهيسبب حموضة في المعدة.

بعد ما تخرج الكنافة من الفرن هزيها كويس وضيفي الشربات سخن لو حباها طرية وبارد لو حباها ناشفة شوية ومتقطعيش الكنافة إلا لما تحسي انها بردت وقدميها لأفراد اسرتك بالهنا والشفا