تامر حسني ينصح جمهوره: "ربنا بيحب العبد اللحوح"

والصورة عبارة عن أحاديث النبي عليه الصلاة والسلام، والتي تدعو للتفاؤل واليقين في قضاء الله وقدره، وعلق على الصورة قائلًا: “ودا يخلينا دايمًا نظن بالله خير ولازم نبعد عن التشاؤم عشان التشاؤم بيخليك تبني علاقة جذب كبيرة بينك وبين كل الأفكار السلبية ويقربهالك وتتوهم ان ربنا كتبهالك لا ده غلط والف غلط لازم نكون العكس تمامًا ونبني علاقة حلوه وطاقة جذب كبيره تجاه ما بنحب ونتمناه ارجوكم اعملوا كدا صدقوني ومتيأسوش من رحمة ربنا”.

وتابع: “ربنا بيحب العبد اللحوح في الطلب اللي مصمم ومش بييأس ومهما كانت الصعاب اللي بتعيشوها اعرفوا ان في اصعب من كدا ممكن يحصلنا وبكتير ف نقول الحمد لله ونتفائل وآخر حاجه نسيبها في مخنا تكون إيجابيه ارجوكم عشان هتبني علاقه جذب جميله بينكم وبين هدفكم حتى لو كان بعيد مش هتخسروا حاجه لما تكون آخر جاحه سيبتوها في دماغكم متفائلة وكلها ثقه في ربنا إنه هيحققهالكم ودايمًا قولوا ان شاء الله هقدر.. ان شاء الله هيحصل، تفائلوا بالخير تجدوه”.

وكان النجم تامر حسنى، اعتذر مؤخرا لجماهيره في لندن، بعد تأجيل حفله المقرر هناك بعد تفشى فيروس كورونا، مؤكدا أنه لا يريد المساهمة في أي تجمعات كبيرة للجماهير وخاصة أن المسرح مغلق حرصا على سلامة الجماهير، لافتا إلى أنه قام بتأجيل كل حفلاته المقبلة تجنبا لانتقال العدوي.

وكتب تامر حسنى عبر حسابه بموقع "فيس بوك":"جمهوري الغالي في لندن وحشتوني جدًا وكنت فرحان جدًا بحفلنا القادم ولكن بعد تفشى الامراض بهذا الحجم في العالم كله سامحوني مش هقدر اساهم في تجمعات جماهيرية وخصوصًا حفلنا في مسرح مغلق حرصًا على سلامتكم، طلبت من كل منظمين حفلاتي في العالم كله تأجيل كل الحفلات المقامة بأماكن مفتوحه وأماكن مغلقة وبعيدًا عن سياسات البلاد في إعلانها التفصيلي عن حالتها، أنا يربطني بيكم محبة ومسؤولية إنسانية يشهد عليها ربنا تحتم عليا إن أكون أمين على صحتكم".