زوجة خالد عليش تفضحه على الملأ: "بيقبض 75 ألف جنيه في الشهر ومش عايز يدفع مصاريف بنته" (صورة)

هاجمت الفنانة الشابة ميما شامي زوجها الفنان خالد عليش، لعدم سداد المصروفات اللازمة لها ولابنته، وذلك من خلال حسابها الشخصي على موقع التواصل الاجتماعي "فيسبوك".

 

وكتبت ميما منشورًا قالت فيه: "هو ٤٠٠٠ جنيه في الشهر يكفى بنت في مدرسة انترناشونال وباباها بيقبض ٧٥٠٠٠ في الشهر، دة غير الإعلانات والايفنتات وإعلانات السوشيل ميديا وطبعًا أنا اللي كنت بتفق عالفلوس دة فعارفة من سنة هو كان بياخد كم".

 

وتابعت ميما قائلة: "يا إما يرفع قضية آداب على أمها، والله في سهرة من السهرات اللي بينزلها وليدفع فيها دة يكفي بنته، لأن هو اللي خاني وضربني وكنت أنا اللي بعتذر عشان أنا اللي قصرت وهو محترم ومؤدب مع كل الناس إلا أنا، ف أنا اللي مش كويسة، واخد فلوسي".

 

وتابعت ميما قائلة :" تعديل، والنبي الناس اللي بتكلمني عشان أشيل البوست انتو متعرفوش أنا مستحملة إيه أنا وبنتي ومتعرفوش أنا عملت مع الراجل دة إيه ومتعرفوش أنا ساكته بقالي قد إيه، ومتعرفوش أنا ببيع ايه عشان بنتي لإن آخر ٨٠٠٠ جنيه كانو معايا هو اخدهم، ومتعرفوش أنا اتهنت ازاي منه ومن أهله ومن صحباته البنات، فالبوست ده آخر حل عندي لان مكنتش عايزة أعمل كده مش عشاني ولا عشانه احنا بنا ربنا وهيحكم بنا بس بنتي مكنتش تستاهل كده فسامحيني ياميما بس غصب عني، وميما الحمدالله فهمت كل حاجة بدري لأنها شافت آخر موقف قدام عنيها".

 

وأردفت ميما قائلة:" تعديل تاني، أنا معايا صور لكل حاجة قلتها في البوست ده بس مش هعمل كده عشان أنا اتربيت إن مفصحش حد كان فيه بيني وبينه عيش وملح، أنا كتبت الكلام ده، لأن مش قدامي حل وزهقت من كتر التمثيل إني أنا اللي قوية وتمام، وهو محترم ربنا يباركله في كل فلوس وأملاكه اللي كان ليشتريها وانا كنت يتكدر في الفلوس عشانه هو بس انا مش عايزة غير حق بنتي الصغيرة ومش هتنازل عنه لأن في أول الموضوع وافقت بكل شروطه عشان اللي كان بينا واتحملت كل التريقة عليًا وعلى أهلي وتعب أبويا بس محصلش أي حاجة تعديل أمي جالها الكانسر والناس كلها اتحايلت عليه يوقف جنب مراته قالولي احنا عارفين إن إنك تعبانة من زمان معرفش عرفو منين واحنا عرفنا بعض مآكل الاتصالات اتقطعت بنا وبين بعض بعتله لو سمحت عايزة فلوسي من فضلك انا ببيع ذهب أبويا قالي مليش دعوة انت بتبيعي وبرضو الفلوس مش مكفياه".