رضوى الشربيني تهاجم أبو شنب فيونكة: احترموا بنات الناس بقى

توك شو

بوابة الفجر


انتقدت الإعلامية رضوى الشربيني، الشاب خالد، صاحب واقعة "أبو شنب فيونكة"، والذي انفصل عن خطيبته بعد عام ونصف من الخطبة زاعمًا أن يده قصيرة ولن يستطيع أن يكمل الزواج، قائلة: "إيه يا حبيبي ليه يابو شنب فيونكة كدا.. متعلمتش من أبو تورتة، طولك دا وايدك قصيرة ازاي".

وأضافت "الشربيني"، خلال تقديمها برنامج "هي وبس" المذاع عبر فضائية "سي بي سي سفرة"، أن "الرجل يجب أن يكون مربوط بكلمته، مش مربوط بشجرة، احترموا بنات الناس بقى، ولما تيجي تنهي علاقة يا شاطر انهي علاقة بطريقة يقبلها القلب والعقل بعد عام ونصف، لكن مش هكمل علشان ايدي قصيرة وحاسس ببرد في صباع رجلي الصغير، ليه يابو شنب فيونكة كدا".

واعتبرت، أن "أبو تورتة" و"أبو شنب فيونكة" نماذج سيئة لأشباه الرجال، معقبة: "لا تاخدي واحد عينه في التورتة وياخد الشبكة ويطلع يجري، ولا واحد بشنب فيونكة، ومش متأكدة أنه هيكمل ويسيبك بعد سنة ونص".

وانتشر خلال الساعات الماضية اسم "خالد أبو شنب فيونكة" بين رواد مواقع التواصل الاجتماعي، وحولت بعض الصفحات قصته إلى "كوميكس" تم تداولها على نطاق واسع.

وبدأت القصة من خلال منشور لـ«أ. أ» روت خلاله قصة ارتباطها بشاب لمدة عام ونص، وانفصاله المفاجئ عنها بحجة أنه لم يعد يحتمل العصبية التي تسيطر عليها خلال تعاملها معه، لتفاجئ بعد انفصالهما بأسبوع بإعلان خطوبته على أخرى، والحديث بين معارفهم بكلمات مسيئة لها، بحسب روايتها.

وقالت الفتاة عبر حسابها: "طب يا جماعة الاستاذ أبو إيد أقصر منه بيهددني وبيقول إني لو نزلت حاجة عنه هيخفيني من على وش الدنيا، مش مكفيه إنه كذب عليا سنة ونص وفهمني إني كل حياته وبعدها قالي معلش أنا إيدي أقصر مني أنا بحبك بس لازم نبعد ياحرام عشان انتي عصبية ووحشة بس أنا بحبك طبعا، وفهمني إنه تعبان ودخل المستشفى بسببي وإني جاية عليه ياحرام، وراح خطب بعد ما سبنا بعض بأسبوع لا دا كمان بيتكلم عليا مع الناس كلام ميتوصفش، دا حاكي حاجات في حياتي أنا والله نسياها وحاجات اول مرة اسمع عنهاومطلعني أنا اللي ظلماه ووحشة وكمان بيهدد، يابجاحتك يا أخي دا طبعا جزء من اللي هو عمله أنا مكتبتش كل حاجة فأنا أهو بقولك إني بجيب سيرتك".