‫راجح قاتل| تعليق والد شهيد الشهامة على حكم القضية

توك شو

شهيد الشهامة
شهيد الشهامة


قال محمد البنا، والد محمود البنا، المعروف إعلاميا بـ "شهيد الشهامة"، إنهم كانوا يتوقعون حكم أخر في قضية مقتل نجله، موضحا أنهم كانوا ينتظرون استثناء في القضية حتى ينتصر العدل على الظلم، معقبا: "إحنا كنا عايزين نشفي صدورنا وناخد حقنا بشرع ربنا".

وأشار "البنا"، خلال اتصال هاتفي مع الإعلامي عمرو أديب ببرنامج "الحكاية" المذاع عبر فضائية "إم بي سي مصر"، مساء الأحد، إلى أنه لو كان تم إعدام الأربعة متهمين كان سيعتبر جزء من حق الشهيد، منوها بأن فريق دفاع المتهمين كانوا يستفزونهم.

وأضاف، "كانوا بيقولوا لينا هناخد الولاد وإحنا ماشيين، مفيش حساب لحرمة الدم، ونصرة الحق، والناس اللي اتحبست بسبب الموضوع لسه مخرجوش لحد الآن"، معلقا: "إحنا من ضمن الشعب الغلبان، إحنا في المهرسة، تحرك أهل تلا كان صرخة من الشعب، مفيش بيان خرج من الداخلية ولا مجلس الشعب عن الحادثة، ولا خطوة اتخذت عشان نحمي شعب مصر".