رضوى الشربيني تروي قصة مثيرة على الهواء.. وتوجه رساله للفتيات (فيديو)

قالت الإعلامي رضوى الشربيني، إنها تلقت مشكلة من فتاة قالت فيها: "خطيبي مطلع عيني وعايزة أمشيه على العجين ميلخبطوش، أعمل إيه؟"، وردت "الشربيني": "صعب يا حبيبتي صعب جدًا".

وأضافت "الشربيني"، خلال تقديم برنامجها "هي وبس"، المذاع على فضائية "سي بي سي" مساء اليوم الجمعة، أنها ذهبت إلى أحد الأماكن العامة ورأت سيدة أجنبيه في حالة غير طبيعية، متابعة: "بعد تلت ساعة جه زوجها زي عنتر شايل سيفه، وهي فضلت تقوله على طول بتسيبني لوحدي وسيبت أهلي وبلدي علشانك، فين الحب بتاع زمان، أنا عايزة أطلق وأرجع بلدي"، معلقة: "مطلعش المصريات بس إللي بيشتكوا".

ولفتت إلى أن زوجها لم يتحدث نهائيًا، وكأنه لم يسمع كلامها، متابعة: "بعدها لقيت الست هديت جدًا، وأنا هموت وأعرف ثبتها إزاي، روحتله وسألته قولتلها إيه، طلع قالها إنه عنده مرض خطير وماكنش عايز يقولها علشان مينكدش عليها"، معلقة: "في الموقف ده الشيطان كان بيقوله برافو يا معلمي".

وصفقت رضوى الشربيني على الهواء، قائلة: "صقفة كبيرة ليك يا عنتر شايل سيفه"، مستكملة: "الرجل المصري يمشي أمة كاملة على العجين ميلخبطوش، ده أستاذ ورئيس قسم".