كيف ساند الفنانون والرأي العام رامي جمال؟

الفجر الفني

رامي جمال
رامي جمال



ما من شعور أجمل عندما تجد من يدعمك ويقف بجانبك في أزماتك بعدما تكون قد يأست أو فقدت الشغف لتجد من يساندك ويضئ لك نور الأمل، هكذا هو الإنسان يستطيع أن يكمل حياته ويزيد من نجاحته بدعم الأشخاص الذين بجانبه ليعبر من نقطه ظلام لنقطه نور.


أعلن الفنان رامي جمال إصابته بمرض جلدي"البهاق" ووضع محبيه أمام أمرين وهما أن يقوم باعتزال الغناء، أو أن يتقبلوا شكله بذلك المرض"، وفور كتابة رامي تلك الكلمات، قام محبيه وأصدقائه من الوسط الفني بالتعليق على ما كتبه، و أعربوا له أنهم يرغبون في استمراره للغناء لتشعل ثوره في حب رامي جمال.


مساندة الجمهور له

جاءت تعليقات ورسائل مساندة كثيرة من محبيه ومتابعيه حيث قال أحدهم "‏رامي جمال من الفنانين المحترمين و الموهوبين جدا.. ربنا يشفيه و يعافيه."


وقال أخر: "‏اعتزالك مش قرارك لوحدك كمل مشوارك واحنا معاك."

وأخر: "‏احنا بنحبك حتى لو جالك إيه بردو هنفضل نحبك."

ومن بين التعليقات: "‏اعلن الفنان المصري رامي جمال اعتزاله بسبب تعرضه للمرض ، احنا بنحبك والمرض ما يهزمك واحنا جمهورك ونحب فنك الراقي واندعمك ومعاك على طول وربنا يشفيك يارب، وكان ذلك جزء لا يذكر من دعم الجمهور للفنان رامي جمال من أزمته.


دعم الفنانين والفنانات لرامي جمال علي سوشيال ميديا

برسالة قوية دعم رامي صبري صديقه الفنان رامي جمال، بعد إعلان الأخير إصابته بمرض البهاق، ونشر رامي صبري صورة له بصحبة جمال على موقع تبادل الصور والفيديوهات" إنستجرام".

وكتب صبرى تعليقًُا على الصورة: "ألف سلامة عليك يا روما يا حبيبى وسيبك من كلام الناس عشان لو ركزنا مع كلامهم مش هنشتغل ومش هنعمل حاجة فى حياتنا احنا كفنانين اتكتب عليا نشوف شتيمتنا والكلام السخيف بعنينا ونسكت عشان الفنان مينفعش يرد الإساءة بإساءة زيها ولكن ربنا موجود وكبير فعايزك تشد حيلك كدة يا قوى يا جامد وتسمعنا فمك الجميل يا حبيبي".


بكلمات مليئة بالحب مي كساب تدعم صديقها رامي جمال

دعمت الفنانه مي كساب الفنان رامي جمال عبر حسابها الرسمي بموقع التغريدات العالمي "تويتر"، وكتبت له‏‎: "رامى_جمال قوي موهوب شريف محترم خليك فخور بنفسك وبفنك بنحبك في كل حالاتك."

بكلمات مؤثرة إليسا تدعم رامي جمال في محنته

وساندت الفنانة إليسا صديقها الفنان رامى جمال، حيث كتبت تغريدة من خلال حسابها الشخصى على موقع "تويتر"، كتبت فيها :"‏ممنوع تغيب، وممنوع يكون البهاق عذر لغيابك، إنت بتقول ابتليت بالبهاق، بس مش سبب لتخاف وتغيب، في ناس ابتلت بالكذب والخيانة والسرقة وما هزت، وجودك أساسي ومتل ما إنت بتقول:أصل الحكاية مش حكاية شكل حكاية روح".

حمادة هلال لـ رامي جمال: ربك كبير

حرص الفنان حماده هلال علي مساندة زميله الفنان رامي جمال وذلك من خلال تغريدة نشرها من خلال حسابه الرسمي بموقع"تويتر" قائلا له:"
‏ألف سلامة عليك يا حبيبي.. ربك كبير وأنت إنسان جميل ومحترم."


 ياسمين الخطيب لـ رامي جمال: قطعة بيضاء على وجهك لن تنال من محبتك

كتبت الإعلامية ياسمين الخطيب تغريدة لها، من خلال حسابها الشخصى على موقع "تويتر"، قالت فيها :"بضعة بقع بيضاء على جلدك لن تنال من شكلك، ولا صوتك، ولا محبتك فى القلوب، غنى".


وحرص الشاعر أحمد المالكي على دعم صدىقه الفنان رامي جمال، حيث نشر صورة له من خلال حسابه الشخصى على موقع" فيسبوك "، ظهر فى الصورة وهو برفقة الفنان رامى جمال، وعلق على الصورة قائلا :" رامى جمال، صاحبي واخويا اللي بحبه قوي، وبتشرف بيه، وبعتبر نجاحه نجاح ليا، انسان جدع ومتربي، ومن أسرة كريمة، وبعتبره هو واخواته من أهلى، بحبك ياصاحبي، يافنان ياكبير قوي، وربنا يشفيك ويعافيك ويبعد عنك كل شر واذي، وعاملين مع بعض السنه دي اغاني بإذن الله هتعجب الناس قوي ".


زينة لـ رامي جمال: إحنا في دنيا مبترحمش

وأعادت الفنانة زينة تغريدة التى أعلن فيها رامى جمال عن مرضه، وذلك من خلال حسابها الشخصى على موقع الصور والفيديوهات" إنستجرام "، علقت زينة على الصورة قائلة: "إنسان محترم ربنا يعفو عنك، للأسف إحنا في دنيا مبترحمش، والناس بقت صعبة، ياريت نحاول يكون في قلوبنا رحمة، انت إنسان موهوب، يمكن أنا متشرفش بمعرفتك، بس قلبي معاك، واعى تفكر تتهزم، ده مرض عادي وربنا يعفو عنك، وقول الحمدلله الناس الرحيمة كتير، واعتبرني من أهلك والإنسان بموهبته واحترامه واخلاقه وبس".

أحمد جمال: يالا يابطل مستنين الألبوم

حرص الفنان أحمد جمال على مساندة صديقه الفنان رامى جمال، وذلك بعد إعلانه عن اصابته بمرض البهاق، حيث كتب تغريدة له من خلال حسابه الشخصى على موقع "تويتر"، كتب فيها: "‏‎سلامتك يا رامي يا حبيبي أولاً ربنا ما بيختارش غير الخير، و تأكد ان كل اللي بيحصلنا في الدنيا من تدبير ربنا و رحمته بينا، ثانياً جمهورك اللي بيحبك هيفضل يحبك و مكمل معاك بأي شكل و ف أي وقت، ثالثاً و ده الاهم مفيش " جمال " ضعيف كل عيلة جمال جامدين، يلا يا بطل انا مستني الألبوم" .


مساندة الفنانة عبير صبري للفنان رامي جمال

أعادت الفنانه عبير صبري نشر التغريدة التى أعلن فيها رامي عن مرضه، وعلقت على الصورة قائلة :"الفنان إنسان طبيعي معرض لكل شيء مرض ابتلاء، تعب محنة وغيره، بعض من الناس اللي مبتفهمش كده وترهقة وتكون عبء زيادة عليه بتعليقاتها السخيفة، أو اللي مفيهاش أدب ولياقة، ولا فيها رحمة بتخلي فنان يسيب شغله لإنه اتعرض لمحنة، ممكن أي حد يتعرضلها بسبب الكلام القاسي اللي زي السم اللي هتتحاسبوا عليه قدام ربنا، لأن الدين بيقول الكلمة الطيبة صدقة، رامي جمال انت فنان كبير، وليك جمهور ببحبك وبينتظرك، كمل مشوارك وربنا هيشفيك ويعافيك، بتقبلك لمرضك ومحبة جمهورك ودعواتهم، انت أقوى من المرض وكلنا معاك ".

بكلمات نابعة من قلبها راندا البحيرى تساند الفنان رامى جمال

نشرت راندا صورة لرامى من خلال حسابها الشخصى على موقع الصور والفيديوهات "إنستجرام"، وعلقت راندا على الصورة قائلة:"الحمدلله علي كل شئ، أنا بحبك أوي يا رامي و إنت أكيد عارف ده،ربنا يقدرك علي اللي هتشوفه أكيد من المجتمع،بس أنا عن نفسي بنصحك، تولع الناس، و خليك مع القريبين، و إنجح،و إشتغل أكتر من الأول كمان، بحبك جدا".


شذى تدعم رامي جمال

نشرت شذى صورة لرامى جمال، وذلك من خلال حسابها الشخصى على موقع الصور والفيديوهات" إنستجرام "، وعلقت على الصورة قائلة: "أولًا انت فنان وفنان مهم وانت قوي ومن معرفتي بيك انت انسان قوي اللي يخاف يسلم ميلزمكش وانت لامس قلوب ناس كتير بألحانك وبأغانيك المرض ده ابتلاء من عند ربنا وانت قده".

وتابعت: "فكك من الناس اللي مبتقدرش دول مش مهمين لان اللي بيقدروا اكتر بكتير ربنا يكرمك وينجحك اكتر ويخليك لكل الناس اللي بتحبك واهلك ومراتك وtoooooz في الناس اللي ملهمش لازمه كلنا عندنا ابتلاءات بس الناس بتشوف اللي عايزه تشوفوا ومن تجربتي انا الشخصيه ف كميه ابتلاء انا نفسي عشتها تكسر ضهر جمل بقولكً كمل وكلنا في ضهرك احنا بنقوى بالناس اللي بتحبنا وبتدعمنا والحمدلله على المحن اللي بتعرفنا حبايبنا من اعدائنا، ربنا يكتبلك الشفا من عنده هو قادر على كل شيء".


احمد صلاح حسني بكلمات مليئة بالتفاؤل يدعم رامي جمال

دعم الفنان أحمد صلاح حسني الفنان رامي جمال عبر حسابه الرسمي بموقع التغريدات العالمي "تويتر" قائلا له:"
‏رامي جمال كلنا معاك ممنوع الاعتزال مفيش حد بيختار قدره ولا نصيبه وكلنا معرضين لنفس المصير و كثيرا الناس بتتعرض لمصير أسوأ ... كن قويا وكمل مشوارك كلنا معاك يا حبيبي ‎#رامى_جمال ‎#لا_للاعتزال."


بكلمات نابعة من القلب عمرو يحيى يساند رامي جمال

كما دعم الشاعر عمرو يحيى الفنان رامى جمال من خلال منشورا كتبه عبر حسابه الشخصى على موقع" فيسبوك "،حيث قال :" فنان كبير كملحن ومطرب قدرت في سنين من التعب والإجتهاد توصل،لقلوب الناس،وإنسان جميل طيب ربنا معاك في أي محنة وأي إبتلاء والأقوياء إبتلاء ربنا بيكون ليهم قوي،ربنا يجازيك أجر الصابرين الشاكرين، ويوفقك ويكرمك دايمآ يا توربيني، مستني الألبوم جدآ وعارف إنك هتكسر الدنيا بإذن الله".


حمدي الميرغني لـ رامي جمال: كل ماتشوفني احمد ربنا

علق حمدى الميرغنى على التغريدة التى نشرها رامى جمال على موقع" إنستجرام "، قال فيها :"ربنا يشفيك يا رامى، ده مش حاجة أصلا،ده الصداع أصعب منه يا خويا، الناس كلها بتحبك،وكل ما تشوفنى احمد ربنا واعرف إنك فى نعمة".

بكلمات راقية ومليئة بالحب لطيفة تساند رامي جمال في محنته

كما ساندت الفنانة لطيفة صديقها الفنان رامى جمال، وذلك من خلال تعليق قامت بكتابته عبر التغريدة التى قام بنشرها على موقع "إنستجرام"، كتبت في تعليقها :" حبيب قلبي يا رامى يا مبدع يا محترم يا مختلف، اوعى تفكر كده، أول حاجة لازم تقول الحمد لله على كل حاجة ربنا يكتبهالنا، تانى حاجة دى حاجة حصلت لناس كتير وتعالجت منها الحمد لله، وبعدين احنا بنحبك على موهبتك،وفنك الرائع، وكل جمهورك، وأنا منهم بنبقى مستنيين جديدك دايما".


 أحمد زاهر يساند رامي جمال

علق أحمد زاهر على التغريدة التى قام رامى جمال بنشرها من خلال حسابه الشخصى على موقع الصور والفيديوهات" إنستجرام "، قال فيها :" حب يبى يا رامى انت اقوى من أى مرض، واحنا كلنا بنحبك، وهنفضل نحبك مهما حصل، واللى بيحب حد بيقبله على أى وضع، ومستنين اغانيك الجديدة يا فنان ياجامد".

برساله حب ودعم ومساندة ناريمان زوجه رامي جمال تدعمه

فقد حرصت خبيره التجميل ناريمان، علي توجيه رساله خاصة إلي زوجها الفنان رامي جمال، دعما له عقب إعلانه بإصابته بمرض البهاق.

وقالت ناريمان، في تصريح لـ"الفجر الفني": "عمري في حياتي ماكنت أتخيل إن ربنا يرزقني بزوج مثله".
وإستكملت قائلة:" لو إتكلمت عن رامي كلام الدنيا كله مش هيكفي، هو كل حاجة بالنسبالي، بحبه جدا وبعشق قلبه اللي مفيش أحلي منه في الدنيا".

واختتمت رسالتها قائلة: "ربنا يخليك ليا يا أحلي حاجة في الدنيا"، ونفضل سند وضهر لبعض طول العمر".

تصريح الفنان رامي جمال بإصابته بمرض البهاق

كان المطرب رامي جمال أعلن إصابته بمرض البهاق، بعد ظهور بقع بيضاء اللون بمناطق بجسده، وذلك خلال حسابه الشخصي على موقع فيس بوك بقوله: "الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".

وأضاف رامي جمال: "رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقوللي هتتعامل إزاي وأنت فنان واللي يخاف يسلم عليا واللي يسألني هو ده معدي".

وتابع رامي جمال: "أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كدة، وفكرت في كلامهم بصراحة".

واستكمل رامي جمال: "لقيت إن عندي حلين يا فعلا شكرا لحد كدة على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو".