أصل الحكاية مش حكاية شكل حكاية روح.. النجوم يساندون رامى جمال بعد إعلانه عن إصابته بمرض البهاق

أعلن الفنان رامى جمال أمس، عن إصابته بمرض البهاق، ووقع ذلك الخبر كالصاعقة على كل عشاق الفنات رامى جمال، لاسيما بعدما كان يفكر فى الاعتزال، وأن يحرمهم من صوته الرائع، وخرجت مظاهرات حب من قبل محبيه وأصدقائه، يعلنون فيه عن حبهم الشديد له، وعن رغبتهم فى عدم الإبتعاد عن الساحة الفنية، وفى السطور التالية يرصد الفجر الفنى أبرز الفنانين الذين قاموا بمساندة صديقهم الفنان رامى جمال.


بكلمات مليئة بالحب أحمد جمال يساند صديقه رامي جمال

حرص الفنان أحمد جمال على مساندة صديقه الفنان رامى جمال، وذلك بعد إعلانه عن اصابته بمرض البهاق، حيث كتب تغريدة له من خلال حسابه الشخصى على موقع "تويتر"، كتب فيها: "‏‎سلامتك يا رامي يا حبيبي أولاً ربنا ما بيختارش غير الخير، و تأكد ان كل اللي بيحصلنا في الدنيا من تدبير ربنا و رحمته بينا، ثانياً جمهورك اللي بيحبك هيفضل يحبك و مكمل معاك بأي شكل و ف أي وقت، ثالثاً و ده الاهم مفيش " جمال " ضعيف كل عيلة جمال جامدين، يلا يا بطل انا مستني الألبوم" .

بكلمات مفعمة بالحب زينة تدعم رامى جمال في محنته

وحيث اعادت الفنانة زينة تغريدة التى أعلن فيها رامى جمال عن مرضه، وذلك من خلال حسابها الشخصى على موقع الصور والفيديوهات" إنستجرام "، علقت زينة على الصورة قائلة: "إنسان محترم ربنا يعفو عنك، للأسف إحنا في دنيا مبترحمش، والناس بقت صعبة، ياريت نحاول يكون في قلوبنا رحمة، انت إنسان موهوب، يمكن أنا متشرفش بمعرفتك، بس قلبي معاك، واعى تفكر تتهزم، ده مرض عادي وربنا يعفو عنك، وقول الحمدلله الناس الرحيمة كتير، واعتبرني من أهلك والإنسان بموهبته واحترامه واخلاقه وبس".


بكلمات مليئة بالحب ياسمين الخطيب تساند رامى جمال في محنته

كتبت الإعلامية ياسمين الخطيب تغريدة لها، من خلال حسابها الشخصى على موقع "تويتر"، قالت فيها :"بضعة بقع بيضاء على جلدك لن تنال من شكلك، ولا صوتك، ولا محبتك فى القلوب، غنى".

بكلمات نابعة من قلبها راندا البحيرى تساند الفنان رامى جمال

نشرت راندا صورة لرامى من خلال حسابها الشخصى على موقع الصور والفيديوهات "إنستجرام"، وعلقت راندا على الصورة قائلة:"الحمدلله علي كل شئ، أنا بحبك أوي يا رامي و إنت أكيد عارف ده،ربنا يقدرك علي اللي هتشوفه أكيد من المجتمع،بس أنا عن نفسي بنصحك، تولع الناس، و خليك مع القريبين، و إنجح،و إشتغل أكتر من الأول كمان، بحبك جدا".


وحرص الشاعر أحمد المالكي على دعم صدىقه الفنان رامي جمال، حيث نشر صورة له من خلال حسابه الشخصى على موقع" فيسبوك "، ظهر فى الصورة وهو برفقة الفنان رامى جمال، وعلق على الصورة قائلا :" رامى جمال، صاحبي واخويا اللي بحبه قوي، وبتشرف بيه، وبعتبر نجاحه نجاح ليا، انسان جدع ومتربي، ومن أسرة كريمة، وبعتبره هو واخواته من أهلى، بحبك ياصاحبي، يافنان ياكبير قوي، وربنا يشفيك ويعافيك ويبعد عنك كل شر واذي، وعاملين مع بعض السنه دي اغاني بإذن الله هتعجب الناس قوي ".

شذى تدعم رامي جمال بكلمات نابعة من قلبها

نشرت شذى صورة لرامى جمال، وذلك من خلال حسابها الشخصى على موقع الصور والفيديوهات" إنستجرام "، وعلقت على الصورة قائلة: "أولًا انت فنان وفنان مهم وانت قوي ومن معرفتي بيك انت انسان قوي اللي يخاف يسلم ميلزمكش وانت لامس قلوب ناس كتير بألحانك وبأغانيك المرض ده ابتلاء من عند ربنا وانت قده".

وتابعت: "فكك من الناس اللي مبتقدرش دول مش مهمين لان اللي بيقدروا اكتر بكتير ربنا يكرمك وينجحك اكتر ويخليك لكل الناس اللي بتحبك واهلك ومراتك وtoooooz في الناس اللي ملهمش لازمه كلنا عندنا ابتلاءات بس الناس بتشوف اللي عايزه تشوفوا ومن تجربتي انا الشخصيه ف كميه ابتلاء انا نفسي عشتها تكسر ضهر جمل بقولكً كمل وكلنا في ضهرك احنا بنقوى بالناس اللي بتحبنا وبتدعمنا والحمدلله على المحن اللي بتعرفنا حبايبنا من اعدائنا، ربنا يكتبلك الشفا من عنده هو قادر على كل شيء".

بكلمات نابعة من قلبها إليسا تدعم رامي جمال في محنته

كما ساندت الفنانة إليسا صديقها الفنان رامى جمال، حيث كتبت تغريدة من خلال حسابها الشخصى على موقع "تويتر"، كتبت فيها :"‏ممنوع تغيب، وممنوع يكون البهاق عذر لغيابك، إنت بتقول ابتليت بالبهاق، بس مش سبب لتخاف وتغيب، في ناس ابتلت بالكذب والخيانة والسرقة وما هزت، وجودك أساسي ومتل ما إنت بتقول:أصل الحكاية مش حكاية شكل حكاية روح".

بكلمات نابعة من القلب عمرو يحيى يساند رامي جمال

كما دعم الشاعر عمرو يحيى الفنان رامى جمال من خلال منشورا كتبه عبر حسابه الشخصى على موقع" فيسبوك "،حيث قال :" فنان كبير كملحن ومطرب قدرت في سنين من التعب والإجتهاد توصل،لقلوب الناس،وإنسان جميل طيب ربنا معاك في أي محنة وأي إبتلاء والأقوياء إبتلاء ربنا بيكون ليهم قوي،ربنا يجازيك أجر الصابرين الشاكرين، ويوفقك ويكرمك دايمآ يا توربيني، مستني الألبوم جدآ وعارف إنك هتكسر الدنيا بإذن الله".

بكلمات مفعمة بالحب أحمد زاهر يساند رامي جمال

علق أحمد زاهر على التغريدة التى قام رامى جمال بنشرها من خلال حسابه الشخصى على موقع الصور والفيديوهات" إنستجرام "، قال فيها :" حبيبى يا رامى انت اقوى من أى مرض، واحنا كلنا بنحبك، وهنفضل نحبك مهما حصل، واللى بيحب حد بيقبله على أى وضع، ومستنين اغانيك الجديدة يا فنان ياجامد".

بكلمات مليئة بالحب حمدي الميرغني يساند رامي جمال في محنته

علق حمدى الميرغنى على التغريدة التى نشرها رامى جمال على موقع" إنستجرام "، قال فيها :"ربنا يشفيك يا رامى، ده مش حاجة أصلا،ده الصداع أصعب منه يا خويا، الناس كلها بتحبك،وكل ما تشوفنى احمد ربنا واعرف إنك فى نعمة".

بكلمات راقية ومليئة بالحب لطيفة تساند رامي جمال في محنته

كما ساندت الفنانة لطيفة صديقها الفنان رامى جمال، وذلك من خلال تعليق قامت بكتابته عبر التغريدة التى قام بنشرها على موقع "إنستجرام"، كتبت في تعليقها :" حبيب قلبي يا رامى يا مبدع يا محترم يا مختلف، اوعى تفكر كده، أول حاجة لازم تقول الحمد لله على كل حاجة ربنا يكتبهالنا، تانى حاجة دى حاجة حصلت لناس كتير وتعالجت منها الحمد لله، وبعدين احنا بنحبك على موهبتك،وفنك الرائع، وكل جمهورك، وأنا منهم بنبقى مستنيين جديدك دايما".