دينا الشربيني لـ"هيثم أحمد زكي" : كنت بهرب من أني أصدق أن ده حصلك أنت ياهيثم لحد ماجيت أنام
نشرت الفنانة دينا الشربيني، صورة لها تجمعها مع كلا من الفنان "هيثم أحمد زكي"، والفنانة ناهد السباعي عبر موقع التواصل الاجتماعي "فيسبوك"، عبرت فيها عن مدى حزنها الشديد لوفاة صديقها الفنان هيثم أحمد زكي ، الذي توفى أمس، الموافق الخميس ٧ نوفمبر لعام ٢٠١٩.
وعلقت "الشربيني" على الصورة التي أرفقتها قائلة: "أنا مبعرفش أكتب ولا عمرى كتبت، بس أنا مش قادره اصدق أنى مش هشوفك تاني!! ولا هتكلمني في التليفون تاني وتقولي يالا نتقابل..ولو مردتش عليك الاقيك بعتلى مسدچ بتقللي طظ فيكي مش هكلمك تاني ، وأول ما ابعتلك اقللك يابنى ملحقتش ارد ده التليفون رن مرتين تقللي خلاص امسحي المسدچ وكأني مبعتلكيش حاجه.
وتابعت "دينا " طول اليوم كنت بهرب من أني أصدق أن ده حصلك أنت ياهيثم...لحد ما جيت أنام دلوقتي ومش هاين عليا أنام وأحنا سيبينك لوحدك.
وأستكملت الشربيني نعيها لهيثم زكي قائلة: "كنت دايما تقلنا كلنا اسألوا عليا لحسن اموت لوحدي و محدش يعرف.
كنت طيب وجدع وحنين وعامل زى العيال الصغيرة، نفسى نحب بعض كلنا ونخاف على مشاعر بعض ، مش لازم نستنى حد فينا يموت علشان نفهم ان الدنيا مش مستهلة، هيثم شاف أيام صعبة وضغط كبير من الناس وتنمر ومقارنة مش عادله وللأسف مشفش حب الناس لى الإحنا شايفينه دلوقتي.
أنا عارفه أنك في مكان أحسن من اللي أحنا فيه وسط حبيبك..كان نفسك ترحلهم وأديك رحت يا هيثم ".
يذكر أن آخر أعمال دينا الشربيني مسلسل " زي الشمس " الذي شاركت به فى السباق الرمضاني الماضي ، وتدور أحداث المسلسل حول تعرض شقيقة المحامية دينا الشربيني إلى القتل على يد أحد الأشخاص المجهولين ، وتبدأ شقيقتها فى البحث عن القاتل .
مسلسل " زي الشمس "
بطولة كلا من " دينا الشربيني ، أحمد السعدني ، ريهام عبد الغفور ، أحمد داود ، سوسن بدر ، أحمد مالك " .
