أحمد حسن راؤول يشارك بأغنتين في احتفالية نصر أكتوبر
شارك الشاعر أحمد حسن راؤول، في احتفالية نصر اكتوبر المجيد بحضور الرئيس عبد الفتاح السيسي بأغنيتين للتاريخ المصري في حرب أكتوبر.
وقدمت الأغنية الأولى التي تحمل عنوان "واحدة من الجيل الجديد" المطربة الشابة هلا رشدي، وهي من كلمات الشاعر أحمد حسن راؤول، وألحان مدين، وتوزيع عمر اسماعيل وميكس وماستر مصطفى رؤوف، أما عن الأغنية الثانية التي تحمل إسم "حصة تاريخ" من غناء كورال وهي من كلمات أحمد حسن راؤول، وألحان مدين، وتوزيع عمر اسماعيل وميكس وماستر مصطفى رؤوف.
وتقول كلمات أغنية"واحدة من الجيل الجديد"
انا واحدة مالجيل الجديد
محضرتش اليوم السعيد
لكن ابويا حكالي عنه
عن جيش بطل عن جيش عنيد
كان كله فخر احساس عظيم
جه الجيش ورد الارض لينا
وساعتها غنا بشوق حليم
وقال صباح الخير يا سينا
سينا مش ارض وجبال
سينا روح جابها الرجال
دمهم عالارض يرسم
حلم جيل انا واحدة منه
التاريخ اول ما قال
قال كسرنا الاحتلال
احكوا قولوا عن تاريخنا
واللي ضحى ف صغر سنه
خدنا الكلام عن كام شهيد
وحكالي عن جندي بسيط
كتب بدمه على العلم
ولا همه جاه ولا همه صيط
الارض رجعت لما إحنا
كنا صف في كل محنة
وبإيدنا خدنا سينا كاملة
تحيا مصر في كل بيت
ما الأغنية الثانية، فهي بعنوان "حصة تاريخ" وتقول كلماتها: "حصة تاريخ"
حصة تاريخ
عن يوم في حياتنا فارق..
يوم ما حاربنا اللي سارق
وجبنا ارضنا
حصة تاريخ
عن جيش للأرض حامي
لو عشنا نقول اسامي
ناخد مليون سنة
عالسبورة اترسم.. بحر وارض وعلم
فجأة لقيتهم في دمي.. من غير مامسك قلم
٦ اكتوبر حصل.. وتاريخ للناس وصل
وانا وعد عليا بكرة.. هكبر وهكون بطل
حصة تاريخ
خلتني اكبر في سني
عشت الموضوع كأني
واقف بحمي البلد
حصة تاريخ
كانت ساعة انما
رفعت راسي السما
وبقيت اشجع ولد
جدير بالذكر أن راؤول شارك في كتابة اغاني تجسد تاريخ مصر الحديث مثل اغنية احتفالية قناة السويس الثانية، واغنية مصر اللي بجد في افتتاح صوامع القمح، واغنية صبح على مصر للحملة الرئاسية.
