"إسعاد يونس".. التورتة بقت تهمة اليومين دول

الفجر الفني

إسعاد يونس
إسعاد يونس


 نشرت الفنانة إسعاد يونس صورة لها من برنامجها" صاحبة السعادة" وظهرت فى الصورة وبجانبها تورتة،وذلك من خلال حسابها الشخصى على موقع تبادل الصور والفيديوهات "إنستجرام"وعلقت على الصورة قائلة: "التورتة دى بتاعتى أنا اللى جيباها، أصلها بقت تهمة اليومين دول".


 

والجديرالذكرأن هذه القصة انتشرت أمس الاربع حيث  قامت "نهال" خطيبة مصطفى الشاب الشهير بـ"مصطفى تورتة" بفضحه عبر مواقع التواصل الإجتماعي، ما أدى إلى تعاطف عدد كبير من الشباب معها وقرروا أن ينتقموا لها بشن حملة سخرية منه.

 

 

وتكمن تفاصيل القصة عندما نشرت" نهال"، عبر موقع التواصل الإجتماعي "فيسبوك"، صورة تجمعها بخطيبها وعلقت عليها قائلة: مش من العادي بتكلم في حياتي الشخصية على الفيسبوك، بس كان لازم أحكي عشان ماتعبش.

 

 

وتابعت: أنا اتقرا فاتحتي وخطوبتي كانت السبت اللي فات، وكان بيننا مشاكل زي أي اتنين، بس ماكنتش أتخيل إن ده ممكن يخليه بسيبني يوم الخطوبة في القاعة لوحدي، اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش واحدة فيهم جت بركتلي وقولت أمشي اليوم".

 

 

وأردفت: "كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان".

 

 

واستطردت: "الأنيل إننا اكتشفنا إنهم أخدوا التورت معاهم طب مش خالك عيان، أخدتوا التورت معاكم ملبسنيش شبكة، وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا".

 

 

واختتمت كلامها قائلة "دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل".

 

تعليق محمد هنيدي وعمرو عبد الجليل على الواقعة

بحضوره الدائم على السوشيال ميديا، حرص الفنان محمد هنيدي، على التعليق، على الواقعة بأسلوبه الساخر، حيث نشر صورة له من فيلم «عندليب الدقي»، وكتب عليها «والله كان فيه تورتة هموت عليها».

 

في نفس السياق سخر الفنان عمرو عبدالجليل، على قصة "مصطفي أبو تورتة"، وكتب عبر حسابه على موقع "إنستجرام"، قائلا: "‏حلوة التورتة دي وريني".