"آخد التورتة وجري".. قصة مصطفى أبو تورتة الذي ترك خطيبته على الكوشة أثناء خطبتهما

تقارير وحوارات

بوابة الفجر


التفتت أنظار رواد مواقع التواصل الاجتماعي، إلى قصة مثيرة للانتباه، والجدل، حيث هرب إحدى  الشباب، من خطيبته أثناء حفل خطبتهما في إحدى قاعات الأفراح، سارقًا التورتة، غير مبالي أي شيء، لكنه استكمل فعله البشع، برسائل مستفزة للفتاة.

كواليس هروب الشاب
ترجع كواليس القصة، حينما نشرت فتاة تدعي نهال، منشورًا على موقع التواصل الاجتماعي "فيس بوك"، تروي انفصالها من خطيبها الذي تركها بإحدى قاعات الأفراح، بعد أن أخذ "التورتة".

وكتبت نهال: "أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي، اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش واحدة فيهم جت بركتلي وقولت أمشي اليوم".

وتابعت الفتاة: "كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان".

سرقة التورتة
وكان الملفت للأنظار، حينما سرق الشاب التورتة، قبل رحيله، حيث أوضحت نهال: "الأنيل إننا اكتشفنا إنهم أخدوا التورت معاهم طب مش خالك عيان، أخدتوا التورت معاكم ملبسنيش شبكة، و قبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا".

واختتمت الفتاة: "دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل".

رد الشاب
ورغم فعلته الشنعاء، إلا أنه راسل الفتاة عبر الفيسبوك، معربًا عن كامل فخره بفعلته، بأنه كان يعملها درسًا لن تنساه، قائلًا؛ "ألف مبروك يا عروسة، عشان تبقي تسمعي كلام اللي حواليكي كويس، يا رب تكوني مبسوطة، والقلم يعلمك ازاي تتعاملي مع اللي بعدي".

داين تدان
وتضامن رواد مواقع التواصل الاجتماعي مع الفتاة، حيث تقول هيام محمود محمد، "مصطفى أبو تورتة كسر فرحتها إن شاء الله داين تدان ولو بعد حين الدنيا دوارة بكرة تتجوز غيرها وتخلف وتلاقيه في بنتك دة طبيعي ولو مكنش في بنتك في صحتك المهم ربك بالمرصاد يا حيليتها".

البنات عملوا الواجب
بينما سخرت هند محمد من الموقف، قائلةً؛ "الفيس بوك عندي كله عن مصطفى اللى ساب خطيبته في الكوشه، وسرق التورته وراح لخاله العيان، الواد اتعمل منه بتتس محمره، البنات قاموا بالواجب وزيادة، حقك رجعلك يا بنتى".

اخد التورتة وجرى
أما زينة أحمد، عبرت عن الموقف، بمنشور عبر "الفيس بوك"، بتساؤل "مين مصطفى أبو تورتة، قائلةً؛ "أنا زي زيك بالظبط نمت وقومت لاقيت الفيس كلو مصطفى ابو تورتة أخد التورتة وجري".