تسريب صوتي يكشف إحباط الجماعة الإرهابية وندمهم على استخدام الهارب محمد علي (فيديو)

توك شو

بوابة الفجر


عرض الإعلامي رامي رضوان، خلال تقديم برنامجه "مساء dmc"، المذاع على فضائية "دي إم سي" مساء اليوم الثلاثاء، تسريبًا صوتيًا للإخواني محمد سودان، مع أحد عناصر التنظيم بتركيا، والذي يكشف عن ندم استخدام التنظيم للمقاول الهارب محمد علي.

حيث قال الإخواني محمد سودان، خلال التسجيل الصوتي، لـ أحد عناصر التنظيم بتركيا: "حابب أبلغك إن الإخوة هنا في لندن مش مبسوطين خالص من إللي بيحصل"، ورد الأخير: "ليه بس كده يا أستاذ محمد ملهومش حق خالص، إحنا بفضل الله عملنا تقدم كبير في اليومين إللي فاتوا".

وأضاف "سودان": "لا لا يا راجل ده كان في تسرع جامد من ناحيتنا، إحنا كنا شغلين كويس أوي وبنجمع ناس معارضة يساريين على ليبراليين ومنفتحين على كل الناس وكذلك الإخوة في لندن"، متابعًا: "وبعدين ما أنا قولتلكم من البداية بلاش نراهن أوي على محمد علي ده"، ورد الأخير: "ماكنش ينفع نفوت فرصة زي دي، دي كانت فرصة كبيرة جدًا، والناس اتعاطفت".

واستكمل "سودان": "بس ده كله كان استعجال ونتيجته في الآخر ماكنتش كويسة، الإخوة إللي كانوا فاضلين بره السجون بقوا جوا، وأمن الدولة شد حيله، وولادنا بقوا محبطين بزيادة، والثقة بقت معدومة".

في حين قال الإعلامي رامي رضوان، إن التنظيم الدولي للإخوان يعمل حاليًا على تطبيق نفس المبدأ الذي كان يطبقه منذ سنوات، وإن الإخوان أصبح لديهم حالة إحباط، ويريدون التخطيط لشيء أكبر يربك الداخل المصري، متابعًا: " جماعة الإخوان مش بتاعة فوضى بس، ولكن بتاعة خسة وخيانة وسفك دماء".