ماجدة خيرالله تفتح النار على أحمد حلمي بسبب فيلمه الجديد "خيال مآتة"
انتقدت ماجدة خيرالله، الناقدة الفنية، فيلم النجم أحمد حلمي، الذي يخوض به سباق عيد الأضحى المبارك والذي يحمل اسم "خيال مآتة".
وكتبت عبر صفحتها على فيسبوك "خيال المآته، بداية كده اسم بايخ يشكل عامل طرد، مش جذب، ثانيا الفيلم مكنش مضطر يرجع نص قرن لزمن ام كلثوم ويصعب الحكايه على نفسه، وبالتالى يفسد حركه احمد حلمى ويخليه يظهر معظم احداث الفيلم كرجل في الثمانين وطبعا كان مضطر يرفع سن كل من حوله فيفقد جزء كبير من الق وحيويه احمد حلمى ورفاقه، ثم هو انت فاكر ان الجيل اللي بيدخل سينما النهارده يعرف يعني ايه بروش ام كلثوم؟ ولا ايه قيمته؟
وأضافت "خيرالله" كان ممكن السيناريست يشوف حكايه اقرب شويه من ام كلثوم يبنى عليها البلوت الاساسى ،ولكنه كان عايز يقول كلام كبير وعبر ومواعظ والحكاية فلتت منه تماما، ثالثا او رابعا منه شلبى أهم كتير من انها تلعب هذا الدور اللى ممكن ترفضه ايمان العاصى أو من دونها!
واكملت خامسا الكوميديا شحيحه جدا فى الفيلم وكمان ماينفعش تقول افيه وتقعد تشرحه !! سادسا : حط الفيلم ده جمب اخواته صنع فى مصر،ولف ودوران ،وعلى جثتى، وحانعتبر ان آخر نجاح فنى لاحمد حلمى كان مع اكس لارج وفى انتظار فيلمه القادم.
