أحمد فهمي: "جوازي من هنا الزاهد في سبتمبر".. ورامى رضوان له: "سلمت نمر"
كشف الفنان أحمد فهمى، عن موعد زواجه من الفنانة هنا الزاهد، والمقرر أن يكون خلال شهر سبتمبر المقبل، مضيفا: "قبل ما أشوف هنا، كنت مقرر إني مش هتجوز، وقولت ربنا كرمني في شغلي، اما الجواز حظي فيه قليل".
وأضاف "فهمي" خلال لقائه في برنامج "8 الصبح"، على قناة Dmc، قائلًا: " تجربة شغلنا مع بعض، في مسلسل "الواد سيد الشغال" كانت مهمة بإننا استحملنا بعض في ظروف شغل لمدة أربع شهور، وحوالي عشرين ساعة في اليوم، وده كان مؤشر إننا نقدر نتحمل بعض في أي ظروف".
أحمد فهمي، أوضح قائلا: أصدقائي كريم عفيفي، وعلي ربيع مش مصدقين إني بظبط بيتي وبشتغل سقالات بنفسى لكن ده عشان بحب هنا، ومصدق إنها هتكون سبب البهجه في حياتي، وعلق رامي رضوان ساخرًا: "أول مرة أشوف أحمد فهمى مستسلم ومسلم نمر".