لهذا السبب.. بهاء الدين محمد ينتقد الفنانة أصالة
هاجم الشاعر بهاء الدين محمد، الفنانة أصالة، عبر حسابه الخاص بموقع التواصل الاجتماعي "فيسبوك" .
فكتب "بهاء الدين" في تعليقه قائلا: "أصالة بتقفل صوتها وبتعمل بلوك لأغنية بصوتها وبتعمل بلوك لفيديو على صفحة مين ؟! هو ده الفن ؟ هل محمد عبد الوهاب والا بليغ حمدى أوغيرهم من المحترمين لما كانوا حتى بيغنوا أغنية من ألحانهم كان ممكن يمنعهم حد؟!!!، وأغرب حاجه بشوفها إن في بعض الأوقات المطرب أو المطربة بيقفل صوته بنفسه وعجبي!!!".
وتابع "بهاء الدين": معلش بحاول ولن تتخيلوا باعمل مجهود قد إيه علشان أنزلكم أعمالى وكم المعاناة اللى أعيشها ورا كل أغنية باشيرهالكم رغم إن الموضوع مفيش منه أى عائد مادى نهائى !!! "
وأضاف: "كل الموضوع عائد أدبى وفنى وكان نفسى أكمل وأعرفكم على أعمالى ولكن بعض الأشخاص والشركات بتمنع حتى الفن ولكن أشكر كل الناس اللى طلعت محترمة بجد وكانت بتسهل وتساعد إن أعمالى تبقى على صفحتى لأن ناس كتير مايعرفوش غير جزء بسيط من أعمالى وكنت أتمنى أكمل ولكن النفوس والفلوس وحشه وأعتذرلكم عن عدم الإستمرار وخلينا ف الجديد وإن شاءالله خير"..
