بعد عودة عمرو وردة للمنتخب .. محمد دياب يحضر لجزء ثان من "٦٧٨"

الفجر الفني

محمد دياب وعمرو وردة
محمد دياب وعمرو وردة


سخر المخرج الشاب محمد دياب من عودة اللاعب عمرو وردة إلى المنتخب الوطني بعد قرار استبعاده على خلفية اتهامات بالتحرش وتسريب فيديوهات جنسية له، كاشفًا عن تحضيره لجزء جديد من فيلم "٦٧٨" الذي ناقش قضية التحرش.

وكتب "دياب" عبر حسابه الخاص بموقع التواصل الاجتماعي "فيسبوك": "الناس الكتييير اللي محبطه من اللي حصل في موضوع ورده، لسه عندنا كتير نقدر نعمله. من اول مقاطعه المنتخب، لغايه اننا نروح الاستاد و نشجع ضدهم (ورده و اللي ايدوه).. و لو في مصر ورده يقدر يهرب من العقاب فاليونان اللي بيلعب فيها و انجلترا -اللي بيلعب فيها اللاعيبه اللي ايدوه- بلاد مبتتسامحش في التحرش. في اوروبا القصه بتفاصيلها الواضحه لما تتعرف بقوه السوشيال ميديا، ميه في الميه هتأثر في كاريرهم و هتشوفوا ورده فريقه بيسرحه".

وأضاف: "(كل البنات عاهرات زيك) دي جمله من كلام ورده في الشات تفهمك بيفكر ازاي. من خبرتي المتواضعه في موضوع التحرش عشان الفيلم الي عملته و قضيت فيه ٣ سنين بحاول افهم المتحرش بيفكر ازاي، فورده متحرش محتاج علاج نفسي و اعاده تأهيل بس بسبب ان الموضوع اتحل بسهوله فهو مش هيسعي للعلاج و مؤكد هيرجع يعمل مصيبه، حتي لو اتجوز فممكن يضرب مراته مثلاً. يعني اللي ساعدوا ورده يطلع من الموضوع بدون عقاب حقيقي و وقفه مع النفس في الحقيقه بيأذوه".

واختتم: "شخصياً قررت ان الموضوع ده هيبقي ٦٧٨ الجزء التاني، عشان لما صلاح و المحمدي يلاقوا اسمهم في كل مهرجانات العالم و جرايد العالم الفنيه مربوط بأنهم ايدوا متحرش يبقوا يعرفوا ان الله حق، و كل شخص مشهور هيفكر يشاركنا افكاره الرجعيه المدمره يفكر الف مره".