ريهام سعيد لـ"ميريام فارس": "إنتي بدون مصر ولا حاجة"
وأضافت "سعيد" خلال برنامجها "صبايا" المعروض على قناة "الحياة" قائلة: "لو متعرفيش جينفر لوبيز جاية يوم 9 أغسطس فى الساحل، وعندنا حفلات لمطربين مهمين مثل راغب علامة وإليسا، واحنا عندنا فنانين مصريين أجرهم مش قليل ومكتفين بهم مثل أنغام".
ووجهت سؤالًا لـ"ميريام فارس" قائلة لها: "تفتكري أجرك ولا أجر أنغام؟".
وتابعت قائلة: "ميريام غنت أربع أغاني باللهجة المصرية علشان تتعرف، هى بدون مصر ولا حاجة، لكن واضح إن الأنا خدتها وراء الشمس، في ناس لما الأنا بتاخدهم بيتجننوا".
