ADVERTISEMENT
Advertisements
ADVERTISEMENT
Advertisements
Advertisements

احيتني قسوتك من جديد

الخميس 20/يونيو/2019 - 02:09 م
احيتني قسوتك من جديد
Advertisements
 
Advertisements

استاذة نيفين اللي بكتبه النهاردة مش محتاجة فيه حل بقدر ما انا محتاجة اوصل مشاعري لكل اسان حب بلا حساب او حدود وفي المقابل فتور واهمال وقسوة وغياب وبعد بدون اسباب الواحد يسمعها عشان يقتنع علي الاقل بيها .. في ناس تديها تخاف تبادل نفس الشعور احسن الواحد يتغر وطبعا دة مش منطق للتعامل خصوصا في العلاقات العاطفية .. وفي ناس تديها تملكيها .. في حالتي انا حبيته جدا حب ابعد عن الواقع في طريقة تعاملي معاه واحترامي ليه وتقديري لاي ظروف وحشة بيمر بيها .. ساعدته كتير للخروج من كتير من ازماته وبشهادته هوة اني نعمة ربنا ادهاله .. وانه ياريت يقدر يحافظ علي ده لكن للاسف .. كل ما بيمر في الوقت الحالي بمشكلة الاقيه اختفي تماما لا تلفون ولا سوال عليه بالرغن انه عارف اني مريضه بمرض خطير ولا حتي اعتذار علي انه محتاج يقعد لواحده وبعدها نفضفض او نتكلم وانا والله عمري ما قصرت في اني اسمعه .. انا بقيت حاسة اني بقيت عاملة زي السفنجة بتمتص بس وهوة ولا مرة عمل موقف معايا لمجرد حتي يديني الاحساس بالامان اللي طول عمري محرومة منه بالرغن انه عارف كويس جدا النقطة دي .. كتير جدا اتصل بيه واقوله انا محتجالك مش شرط تحل ليه اي مشكله بس علي الاقل احس انك قاعد بتسمعني وكل اللي بستقبله منه كلمه حاضر حاضر .. وبعد حاضر يرجع تاني للقوقعة اللي بيعزل نفسه فيها بقيت حاسة بعدم القدرة علي فهمه من قلة ما بيتكلم ولا بقيت عارفة هوة عايز مني ايه اصلا ولما جيت في يوم قلتله تحب نبعد عن بعض فترة سنه مثلا تتخلص من اعاباءك فيها ونفضل برضه علي اتصال وبعدها نرجع تاني قالي لا انا مقدرش اعيش يون من غيرك .. منين بيقول كدة ومنين بيتصرف كده .. للاسف حطني قدام نفسي عشان اواجه احساس الندم علي قبولي العلاقة دي بس انا مكنتش اعرف انه بالمنظر ده ابدا ولا كنت اتصور انه يبقي عارف مثلا اني تعبانه واخره يتصل بيه زي الغرب ويقول كلام تقليدي زي .. ان شاء الله خير او معلش الكلمة اللي تنرفز في اوقات زي دي .. هوه ايه دة بالظبط ؟ انا بقيت مش فاهمة .. هوة فيه كدة رجالة ؟ .. دة كميه الحنان اللي بيستقبلها مني تساعي الكون كله والله العظيم اقسم بالله العظيم هوة لما يمر باي ظرف حتي لو بسيط ببقي تحت رجليه وبلغي كل حاجة حتي شغلي علشان بس ما يحسش انه لواحده بيواجه مشاكله من غير ما اكون جنبه .. اجي انا اقوله محتجالك حتي لو هتقعد قدامي ساكت ما الاقيش اي استجابة والرد يكون معلش اصلي تعبان ومحتاج اقعد لواحدي …… اييييييه ده اييييه ده .. حسسني اني الخدامة اللي بتخدم علي مشاعره عشان يفرفش وقت ماهوة عايز انما اي حاجة تانية ده حسب مزاج السيادة .. من هنا وبرسالتي دي بوجهها لكل راجل معاه ست بتتمناله الرضا يرضي زي ما انا ما بعمل مع البيه يهتم ويبادلها المشاعر .. ولو هية قدمت خطوة يروحلها عشرة هوة يا ربي الحب كمان بقي بحساب والمشاعر بقينا نقايض عليها ولا نشحتها .. ربنا يعلم انا بكتب رسالتي دي وانا حالتي عاملة ازاي .. مضايقة من نفسي وبلومها لانها قبلت الاهانة والاهمال لكن قريب جدا ان شاء الله ربنا هيساعدني واتخلص تماما من سلاسل الحب اللي رابطاني من اديه ورجليه وهتحرر من كل مشاعر حلوة كانت سبب لاهانتي بالشكل ده .. هوة ليه بعض الرجالة مش بيقدروا الاهتمام وان الكلمة الحلوة ممكن تشتري قلب انسانه وببلاش ليييه ؟ والله العظيم ده كتير وحرام .. عموما عشان ما اطولش عليكم .. انا قلت ابعت رسالتي واللي قادر يواسيني يرد عليه واللي قادر ينصحني يرد عليه يمكن النار اللي في قلبي تهدي لاني في امس الحاجة لاني افوق واعيش تاني من جديد واحب تاني وادي تاني بس للي يستاهل
مني فاروق

فضفضة
محررة الصفحة .. نيفين حجازي
صديقتي مني بجد وجعتي قلبي بكلماتك . لكن قدر الله وما شاء فعل ولعل الفترة دي او العلاقة دي تكون درس مستفاد للفترة القادمة من حياتك .. وتعرفي بعدها ازاي تختاري اللي يستاهلك .. لك مني كل الاحترام والتقدير واشكرك علي رسالتك

Advertisements
تعليقات Facebook تعليقات بوابة الفجر
ads
Advertisements
مصطبة
Advertisements
هل شاركت فى مبادرة 100 مليون صحة؟