توفيق عكاشة منفعلا: أنا ملاحظ الستات كلها محجبات "فيديو"

هاجم الإعلامي توفيق عكاشة، فكرة انتشار الحجاب، في الآونة الأخيرة، قائلًا "أنا ملاحظ إن الستات كلهم محجبات، الكلام ده ذكرني بأسلمة المجتمع التي ينشرها الإخوان والمسلمين.

وتساءل خلال حلقة أمس من برنامج "مصر اليوم" المذاع على فضائية "الحياة": هو المجتمع كان كافر يا بني عشان تأسلمه؟ طب اسلمت المجتمع في إيه الحجاب واللبس والشكل؟ طب والجوهر لأ ملهمش دعوة بالجوهر لأنهم يستهدفوا دولة ودنيا وملهمش دعوة بالدين، يستهدفون أن يجعلوا من الدين معبر وكوبري إلى الحكم.

وأضاف "النهارده الثوار في الجزائر طردوا الولا زعيم حزب الحرية والعدالة الجزائري، اللي هو المرشد بتاع جماعة الإخوان المسلمين اللي في الجزائر، طردوه وطردوا القيادات بتاعته، ولكن حزب الحرية والعدالة بتاع إخوان الشيطان اللي في الجزائر حاطط سمومه من خلال بعض الشباب الخلايا النايمة اللي هناك".

واستكمل "عشان كده أنا بحذر الجماعة اللي أسسوها اللي اسمها جماعة حزم، بقلوهم شوفوا الاسماء اللي في جماعة حزم لو فيها إخوان أو يساريين أطردوهم".