عمرو أديب محذرًا علاء مبارك: "اللي يقربلي هقربله"
شن الإعلامي عمرو أديب، هجومًا حادًا على علاء مبارك نجل الرئيس الأسبق مبارك، قائلا: "اللي يقربلي هقربله، واللي هيهاجمني ههاجمه، ولو كنت سايبك مش معنى كده إني خايف منك".
وقال "أديب"، خلال برنامج "الحكاية" المذاع عبر فضائية "إم بي سي مصر"، مساء الإثنين، إن علاء بيه فكر اليوم ماذا يفعل في ذكرى تنحى والده، مضيفا: "ده اليوم الأسود في حياته.. فقالك أهاجم عمرو أديب".
وأضاف "أديب"، مخاطبا علاء مبارك، "ما تجيب الانترفيو كله يا علاء بيه.. ما إنت عارف إن الانترفيو ده اللي قعدني فابيت، لأني قلت مينفعش جمال مبارك يحكمنا"، منوها بأنه ثاني يوم بعد تلك المقولة فوجىء أنه تم إغلاق الاستديو، معقبا: "لأن جمال بيه وعلاء بيه زعلوا".
وشن الإعلامي عمرو أديب، هجوما حادا على علاء مبارك نجل الرئيس الأسبق مبارك، بسبب أمواله الموجودة في سويسرا.
وقال: "قوللي جبت الفلوس منين.. هو انت كنت بتشتغل إيه"، مضيفًا: "العيل السو..."، رافضا استكمال الجملة.
وانتقد ترحيب المصريين بـ علاء وجمال مبارك، قائلا: "أمال إحنا عملنا كل ده ليه.. الشباب ماتت ليه، عشان نجيب الأستاذ جمال وعلاء تاني"، مضيفًا: "أنا عملت حساب ليكم بس فالسجن.. بس دلوقتي واقف قصادكم، ونروح محاكم، ونعمل مناظرات".
