عمرو أديب يفتح النار على علاء مبارك: "إنت رد سجون.. ومش هتحكموا تاني"
قال الإعلامي عمرو أديب، إن اليوم يوافق ذكرى تنحي الرئيس الأسبق مبارك، مضيفا: "أنا كنت أعرف الرئيس مبارك، وأولاده جمال بيه، وعلاء بيه".
وأشار "أديب"، خلال برنامج "الحكاية" المذاع عبر فضائية "إم بي سي مصر"، مساء الاثنين، إلى أنه تخيل كيف سيكون الوضع لو لم يتنحى مبارك، مضيفا: "كان زمان جمال بيه بيحكم، وعلاء بيه بيقبض".
وأضاف، "أنا قعدت في البيت لأني اتجرأت وقربت من سيرة علاء بيه وجمال بيه"، منوها بأن علاء مبارك هاجمه اليوم، معقبا: "مش على آخر الزمن واحد رد سجون هيعلمنا الأدب.. رد عليا وقولي فلوس سويسرا جبتها منين، هو علاء مبارك كان بيشتغل إيه".
وتابع: "إنت يا علاء بيه اللي جبته لنفسك، أنا عمري ما قربتلكم.. لا حضرتك ولا جمال بيه، مش هترجعوا تاني، ومش هتحكموا تاني"، مستطردا: "مين اللي ولع في عربيتي يا علاء ورمى عليها ماية نار".
واستطرد "أديب"، مخاطبا علاء مبارك، "يا أنا يا إنت ومش هسيبك، وقولي فلوس سويسرا منين.. إنت جيت لواحد مستبيع، وجبته لنفسك.. عايز حواديت عندي كتير"، كاشفا أن علاء مبارك أخبر البعض خلال ثورة يناير "جمال هيودينا في داهية".
وكشف أن علاء مبارك أصدر أمر بعدم تشغيل عمرو أديب في أي قناة، مضيفا: "مكنتش لاقي شغل في فندق حتى، لحد ما سافرت أعمل برنامج أراب جوت تالنت واكل شارب نايم ببلاش".
