على طريقة "محامي خلع".. ناريمان تخاف "ألا تقيم حدود الله"

حوادث

بوابة الفجر


على طريقة فيلم "محامي خلع"، رفعت ناريمان، سيدة ثلاثنية، رفعت دعوى خلع أمام محكمة الأسرة، لاستحالة العشرة مع زوجها "محمد.و"، والبالغ من العمر 37 عاما، مستشهدة بكلمات تبدو شبيهة بدفاع الفنان هاني رمزي عن الفنانة داليا البحيري في الفيلم "أخاف ألا أقيم حدود الله.. لا يعطيني حقوقي الشرعية".

وقالت للمحكمة: "اتجوزنا بشكل تقليدي عن طريقة واحدة صحبتي وتمت الزيجة سريعا وحملت في بنتي الكبيرة على طول لكن بدأت بينا مشاكل كتيرة اختلاف الفكر والثقافة طول الوقت.. هو متربي برا مصر وفكره أوروبي وما بيفرقش معاه حاجة".

وأضافت، "سنين عمري بتجري وهو مش هيتغير عملت معاه كل حاجة ممكن تغيره اتكلمت بالهدوء واتخانقت وصل الأمر إني اتعرفت على واحد وهو عرف لكن مفيش فايدة هو معندهوش نخوة ورمى طوبتي خلاص لكن مش عايز يطلقني عشان أفضل قاعدة كدا.. انتقام أو غيره مبقاش فارق معايا.. أنا صغيرة وعمري بيجري قدامي وهو بعيد عني من سنين وعمري محسيت بيه ولا حسيت إني متجوزة زي الناس راجل يحميني ويخاف علي ويغير علي.. جوزي بارد في كل حاجة لا يعنيه أي شيئ غير نفسه وأولاده وبس".

وتابعت، أنها وصلت لمرحلة من اليأس والإحباط، جعلتها تأتي إلى المحكمة من أجل طلب الخلع، مؤكدة أن زوجها قد هجرها منذ ولادة ابنهما الثاني، وعلقت على ذلك بقوله: "ده مبيقعدش في البيت بالأيام في الفترة دي ومبيدينيش حقوقي الشرعية، ومش بيسأل فينا، وأخره يرمي قرشين للولاد وبس، لدرجة أن الأمر قد وصل إلى أنه عرف بأني عرفت حد وشخص تاني وشاف رسايلنا سوا وأنا اعترفتله إني بحب الشخص ده وعايزة أطلق عشان أتجوزه رفض يطلقني ومعملش أي حاجة أو كان له أي رد فعل".