عمرو الليثي يُشيد برجل مسن يحمل الأطفال على كتفه وقت سقوط الأمطار

قال الاعلامي فى بداية حلقة واحد من الناس على شاشة النهار ان البرنامج مستمر فى علاج المرضى والعمرات وتقديم كافة الخدمات الى كل محتاج وتقديم الشقق ومساعدة الغارمات والأيتام ومشاريع البقالة والمنظفات وغير ذلك.

وأشاد الإعلامي د. عمرو الليثي بمشهد رائع يُعبر عن الإنسانية والحب فى أجمل صوره وانتشر هذا المشهد عبر مواقع التواصل الاجتماعي، ويؤكد أن المواقف الصعبة بتكشف معادن الناس وأخلاقهم وسلوكياتهم

وأضاف الليثى من خلال برنامج واحد من الناس على شاشة النهار المشهد كان فى مدينة الإسكندرية، فى احد الشوارع اللي أمتلت بالبرك والطين بسبب الأمطار وأي حد بيعبر الطريق فى الشارع سوف يتعرض لبهدلته من أكوام الطين الموجودة فيه.

وفجأة يظهر فى الصورة رجل مسن يقوم بحمل طلاب احد المدارس على كتفة وبيعبر بيهم الشارع عشان يوصلوا مدارسهم وثيابهم نظيفة ، وقام بتعريض نفسه للبهدلة عشان حتى يحمى أطفالنا منها.

وفى الختام قال الليثى "الحقيقة الصورة دى كانت درس عملي فى العمل الإنساني وازاي  الإنسان يكون سند وعون للآخرين، وعلى الرغم أن الراجل ده هو نفسه محتاج اللى يساعده لكنة ما تأخرش  لحظة واحدة عن مساعدة أطفال ماكانوش حيقدروا يوصلوا مدرستهم وملابسهم نظيفة، ويمكن تكون صورة بسيطة أو مشهد عابر أو لقطة عادية".

لكنة موقف يستحق مننا كل الاحترام لهذا الرجل.