"أديب" لـ الأهلوية: "إحنا كزملكاوية بنتغلب على طول وعمرنا ما قولنا لرئيس النادي ارحل"
وجه الإعلامي عمرو أديب، رسالة إلى جماهير النادي الأهلي، قائلًا: "بيبو يتقاله ارحل، ده كلام يا جماعة، فيها إيه لما الأهلي يخسر، عيب لما رئيس النادي يكون عيان ونهاجمه بالشكل ده".
واستكمل "أديب"، خلال تقديم برنامجه "الحكاية"، المذاع على فضائية "إم بي سي مصر" مساء الجمعة: "اجمدوا واثبتوا، إحنا ياما جرالنا كده في الزمالك وخسرنا ولكن كنا ثابتين ووقفنا وقفة رجالة، إللي بيحصل ده عيب أوي، إحنا بنتغلب كزملكاوية على طول وعمرنا ما قولنا ارحل".
وأضاف: "الأهلي نادي الفلوس والميزانيات والملايين، فين فلوس الأهلي؟"، مستطردًا: "لو عايزين الحق الأهلي يحتاج إلى فريق كامل، واللاعيبة إللي فيه مش نافعة، لو عايزين الحق الأهلي ميستاهلش الدوري هذا العام"، متابعًا: "لابس جرافتة حمراء مخصوص تعاطفًا مع النادي الأهلي".
