Advertisements
Advertisements
Advertisements

بقولك إيه .. تيجي نشتغل؟

Advertisements
أرشيفية
أرشيفية
Advertisements
السلام عليكم ورحمة الله 

استاذة نيفين تحياتي لك ولكل من هم بباب فضفضة وسلامي لجميع قراء هذا الباب اسعدكم الله ..

انا غرقان في مشكلة واعتقد ان ما هيقدر عليها غير الله .. كنت متجوز وطلقت بعد مشاكل كبيرة قوي وعندي ولد وحاليا سايب ام ابني في بيتي ملكي علشان تربيهم لانها كمان حاضنة .. وبعد فترة طويلة من الطلاق اكتشفت نصفي الاخر في شخصية احدي قريباتي .. احببتها وعشقت كل تفاصيلها واتمني اني اتجوزها حالا لكن العقبة الرهيبة هي الماديات لان دخلي كمان بسيط جدا لايمكن يفتح بيت دة غير نفقة الولد ومصاريف معيشتي انا نفسي لاني مآجر بيت فقير جدا علشان اقدر امشي حالي .. طيب دلوقتي انا مش كبير في السن انا لسة شاب ولسة في بداية حياتي يعتبر .. وحاسس انه من حقي اتجوز بالبني ادمة اللي لقيت معاها نفسي وسعادتي لكن زي ما كتبتلكم كدة قفلت معايا ضبة ومفتاح .. ساعات والله بتصعب عليه نفسي من كتر الاحساس بقلة الحيلة وبرضه حاسس بعذاب ضمير تجاه قريبتي اللي حبيتها واني بظلمها معايا لان هية كمان ملهاش ذنب في العيشة الضنك اللي انا فيها مش قادر حتي احلها من وعدي ليها علشان ما اخليهاش زي البيت الوقف كدة .. قلبي وجعني من كتر التفكير من غير فايدة وحاولت ادور علي شغل تاني بدون فايدة طبعا ولما بلاقي شغل بسمع اجور منخفضة جدا لا تناسب عدد ساعات الشغل ولا حتي التعب فيه .. بعدين حتي لو لقيت هل هقدر ابقي طول اليوم بشتغل ؟ طيب امتي جسمي يرتاح وامتي هنام وامتي همارس حياتي بشكل طبيعي فجالي حالة من القرف وبقيت معظم الوقت غضبان ومتغاظ من وضعي ياريت يا جماعة حد يشور علية والنبي .. قبل مانسي عندي عربية كحيانة حتي مش قادر ابيعها لان المواصلات النهاردة بتكلف اكتر من البنزين .. دة مش العربيه هية اللي كحيانة بس دي عيشتي نفسها كحيانة والله حال يبكي وحال يضحك هههههههههه .. اسف والله بنكد عليكم بس ياريت حد يقولي اعمل ايه علشان علي الاقل البنت الغلبانه اللي مستحملاني دي 
متشكر جدا وارجو الرد قريب .. 
محمود

فضفضة
محررة الصفحة .. نيفين حجازي
استاذ محمود اسفة اقولك حضرتك جبتلي احباط .. بس محلولة ان شاء الله .. لية لحضرتك سؤال .. هل في امكانية للحصول علي قرض صغير ؟لو ممكن ! خلينا نفكر في المشاريع الخاصة الصغيرة حتي وان كانت بفكرة بسيطة ايه المشكلة الشغل مش عيب انا لو مكانك ممكن افكر في كدة …. ممكن ترد عليه وبعدها نفكر بشكل جدي؟
Advertisements