هاشتاج الثانوية العامة يتصدر تويتر.. والمغردون: "كليات القمة كدبة"

تصدر هاشتاج الثانويه العامه تغريدات موقع تويتر، اليوم، الأحد، وذلك بالتزامن مع بدء أولى أيام مارثون امتحانات الثانوية العامة بامتحان اللغة العربية، وتنوعت التغريدات بين النصح والفكاهة والمقارنة بين الامتحانات في السنوات السابقة والحالية.

نصيحة

         

فنصح صالح، طلاب الثانوية العامة، قائلًا: " اوعى تروح الامتحان وانت حاطط نفسك في موقف أنى لازم أجيب طب أو هندسه أو.....، روح وأنت حاطط في دماغك إن ده رزق من ربنا وتوفيق وأنا عملت اللى عليا واجتهدت وخلاص فاللى يجى يجى وسيبك من المجتمع العقيم اللى بيفرق بين الكليات ده الكلية مبتعملش شخص ناجح تعبك فيها هو".

جمع وحي

 

وقال محمد فؤاد: "الثانويةالعامة بقى مش عيب يبقى العقبة فى الامتحان جمع كلمة فضل، الله يرحم ايامنا كانت العقبة جمع كلمة وحى، أصل أنا خريج دفعة 2014 بتاعت الوحاويح".

جمع فضل

 

فيما سخر الكوربي من رد فعل الطلاب من سؤال جمع كلمة "فضل"، قائلًا: "زعلانين إنكوا جالكوا جمع كلمة فضل ؟! أومال لو جالكوا جمع وحى كنتوا عملتوا ايه".

طالب منوفي وراء التسريب

 

وغرد ناشط مش سياسي: "طالب منوفي وراء تسريب امتحان اللغة العربية للثانوية العامة، برافو عليك يبني والله".

كليات القمة كدبة

 

وغرد روقنجي: "الناس كلها من إمبارح بتدعي الثانوية العامة، وبغض النظر إن ربنا يوفقهم طبعًا، بس هقول للطالب كلمة ونصيحة، ماتجيبش مجموع وماتدخلش كليات قمة دي كدبة، ومش هقولك خش اللي بتحبه لان تقريباً لحد ثانوي، الواحد مابيبقاش مستوعب بالظّبط هو عايز ايه، فإعمل اللي عليك ماتديش الفترة دي".

النصيب

 

وأكد مقالد: "يا جماعة والله في الأول وفي الأخر الكليات دي نصيب واللي ربنا كاتبه هو اللي هيكون والتسريب ده ربنا عمره ما بيساوي اللي عارف باللي مش عارف".

دعوة

 

فيما قدمت آيات علي أحمد، دعوة للطلاب قائلًا: "اللهم بحق هذا الشهر الفضيل أكرمهم بفضلك لا بمجهودهم و ارزقهم فرحة لا تُنسي يا رب العالمين".

 

عقدة الثانوية

أما كريم سالم غرد: "طول النهار بقنع في نفسي اني خلصت ثانوية عامة، واني كمان قربت اتخرج من الكلية، واني مش المفروض اكون خايف دلوقتي عقدة الثانوية العامة اللي لسا عايشة معايا من ٤ سنين".