"عضلات" رمضان vs "شبرقة" المارد .. حوار خيالي بين أبطال إعلانات "المحمول"

الفجر الفني



ارتبط الجمهور في الفترة الأخيرة، بكلمات أغاني إعلانات كبرى شركات المحمول، التي نالت شعبية كبيرة في الشارع المصري، وأصبحت جزءاً من احتفال الناس بمناسباتهم الخاصة، مما أدى إلى تصدرها نسب المشاهدة عبر "السوشيال ميديا" وموقع "يوتيوب".

"الفجر الفني" أجرى حوارًا خياليًا بين أبطال الإعلانات الأربعة، يتنافس كل منهم على إثبات نجوميته وصموده أمام الآخرين.

يجلس محمد رمضان، ومعه أوكا وأورتيجا وأحمد شيبة، وينبعث من التليفزيون صوت "رمضان" وهو يقول:
-كورة من الليلادي في ملعبه.. فورة الناهية فيها مكسبه
عرض صعب غيره يغلبه.. شحنة الكل فيها يكسبوا

ينظر أوكا إلى أورتيجا ويضحك بسخرية، قائلًا: 
-قالك "أقوى كارت في مصر!"
أورتيجا: أهو المارد حضر ده ولا نجوم الأفلام 
أوكا: أول ما يخش الحتة بيتضربله تعظيم سلام

يرفع "رمضان" حاجبه وينظر لهم بحدة، قائلًا: 
-أنا لو لو لو لمحته هينونو

أحمد شيبة يخرج عن صمته، قائلا: 
شحنة وشبرقة رقة.. رصيد وبعزقة زقة

محمد رمضان ساخرًا: عايشها وبيحلو لازم يخاف من العو

أوكا وأورتيجا: مارد المرود جاي بضربة معلم 
كارت الكروت على الكل هيعلم

محمد رمضان: يا ابني لازم تهيبني بلاش تتعبني
أكبر ما فيكوا بيعرف عرضي بيفلق ويجري

يظهر أحمد أمين في الجهة الأخرى من الغرفة ينظر لهم بدهشة!
محمد رمضان: حاببني مش حاببني لو جربت مش هتسيبني ولو فكرت في يوم تسمعني اعمل سيرش وخش وجيبني 
أحمد أمين: لأ لأ
أوكا: قال للحظ اخشع مالكش مكان في كارتي هتكسب يعني هتكسب وده على ضمانتي 
أحمد شيبة: رصيد وبعزقة زقة كارت وشبرقة رقة 
أحمد أمين: لأ لأ

ينظر محمد رمضان لهم بغضب، وينهض قائلا: 
-الساحة دي بتاعتي وأنا اللي شاكمها
شعبية إلهية عمري في يوم ما اسيبها

يدخل كريم عبدالعزيز ليهدأ الأجواء، قائلا: 
-الله الله طبنجات وبنذغر لبعض.. ايه هنقتل بعض في السوق ولا إيه يا رجالة ده انتوا مالكوش إلا بعض

ينظر له الجميع في استغراب وصمت، فيقول: 
-في نهاية رحلة بحثي عن الجدعنة طلع إن الجدعنة مش موجودة غير عندنا ومبتترجمش لأي لغات تانية ولاننا أجدع شعب نستاهل أجدع كارت

ينهض "رمضان" ويغادر الغرفة، قائلا: 
-اللي يقولك أنا الكبير.. قوله مش طالبة فرافير