فتيات بالإسكندرية يتقدمن للتطوع في الجيش المصري: "مستعدون للاستدعاء والشهادة" (صورة)

تقدم 4 فتيات ممثلات عن حملة مجندة مصرية بمحافظة الإسكندرية، اليوم الثلاثاء، بأورقهن للتطوع في الجيش المصري.

وقالت جهاد الكومي، إحدي المتطوعات، على صفحتها عبر موقع التواصل الاجتماعي "فيس بوك": "النهاردة رحت أنا وبنات زملائي ممثلات عن حملة مجندة مصرية نقدم أوراقنا للتطوع فالجيش المصري، وأول ما دخلنا والناس مستغربانا جدا ويقولولنا ممنوع! المكان دا للشباب بس".

وتابعت جهاد، العقيد هناك استقبلنا بشكل محترم جدا واتكلم معانا وقدمناله الطلب، قولناله إن دا نابع من حبنا لبلدنا وإننا كمان عايزين نشارك، وكلنا معاكوا وإحنا عارفين كويس جدا أن جيشنا قادر على تخطي أي صعب وأي تحديات ودا مش تقليل منه أبدا بالعكس لأن وقت الحرب الشعب كله جيش، ومستعدون في أي وقت للاستدعاء وجاهزين للشهادة.