نور إسماعيل تكتب: شمس ديسمبر.. الحلقة الثانية
اخدت منه الاجندة مرة واحدة
وبصتله فوشه الى ميبعدنيش عنه كام مللى ولاول مرة ارد ع استفزازاته ليا!
أمير: اطلع برة وماشوفش وشك تاني.. برة !!!
الدكتور نزل ايدى من ع رقبته وضحك ضحكة كلها برود وقال:..
انا دلوقتى بس حسيت ان جلستى الاولى معاك نجحت :) اقابلك الجلسة الجاية ياامير
أمير: انت جابوك من انهى مصيبه ..اتفضل اطلع برة
بــــــــــــــــــــــــــرة!!
مسكته من ياقته بقوة وطلعته برة اوضتى وفتحت باب الشقه وانا بشده وطردته ... طبعآ جريت وراه اسماء بنت خالتى لان سيادتها الى اتصلت بيه عشان يجيلى فاكرانى مجنون
اسماء: دكتور ايمن (طالعه وراه) استنى يا دكتور
أمير: (كانت جوايا طاقه غضب منهم ..من بنت خالتى ومن ماما ) اييييييييييييييه !! فاكرنى مجنون
تانى مرة محدش يعمل معايا الحركات الزبالة دي بدل ما اقلبها على دماغكم
الام: (بتعيط) يابنى طيب عايزنا نشوفك بالحالة دى ونقف ساكتين!
حرام عليك والله الى بتعملو فيه ده
اسماء: (داخلة من برة) انت ازاى تعمل كده
اميرة: بقولك اييييييييييه (مسكتها من شعرها) ابعدى عن وشى وكل حد هنا يلزم حدوده محدش له دعوة بيا نهائي.. انا مش مجنون عشان تجيبلى دكتور مجانين يا ست هانم.
أسماء : (بتتألم من مسكتى لشعرها ) ااااااااااااااه اوعى كده.. أنا بحاول أساعدك يا أمير انت كده هتموت
أمير: محدش له دخل ! محدش له دعوة دى حياتى وانا حر اكتئب .. مكلمش حد.. اموت.. انا حر
سبتهم ودخلت ورزعت باب اوضتى ورايا ... بس طبعا ماما كملت ندب زى اى ام ع حالى
الى مش بس انا مش مخليها فرحانه
ده وحازم اخويا !
الى لحد دلوقتى منعرفش طفشان ليه من البيت ؟ وعند مين ؟
واالسبب ؟!!
بس مكنتش لاول مرة اهتم لحال امى .. ولا لاخويا
بقدر م كل الى بيشغل بالى
هى ♥♥♥فريدة ♥♥♥
اصل انا معرفتكمش ع اهم حدث حصل فحياتى الملخبطة .. وخلاها تتعدل واعيش زى اى حد عادى ومبسوط
حتى واو شهور وبس
فريدة البنت الكبيرة لامها، وتقريبآ كل حمول البيت عليها ، مقدرتش تعيش زى بقية البنات الى فسنها..
اصل مامتها عندها مرض روماتيزم فرجلها بيخليها صعبه الحركة، ده غير السمنة المفرطة الى فجسمها خلتها تقيله خاااااااالص ف مشيتها
وبالنسبة لباباها، فهو موجود ومش موجود..
او اقدر اقول انه ضمير مستتر.. من زمان واخد دور المتخفى من المسؤليات ولعب الدور الصح..
وفضل بعيييد
وبعد م خلف الاء الصغيرة .. صحيت فيوم ماما فريدة ملاقتهوش فالبيت
وكان كاتب انه يأس من كل حاجة هنا مش مخلياه عارف يعيش زى الناس .. وانه مش هيقدر يكمل معاهم تانى لاهى ولا بناتها
سافر ..
وسابلهم الشقه الى هما فيها الحاجة الوحيدة الى نفعتهم والورث الحقيقى ليهم يسندهم وهما 3 ستات مكسورين فالدنيا
اشتغلت كتير ف اماكن .. وتعبت كتير ومقدرتش تعيش زى اى بنت فسنها
مرة تسيب شغلها عشان المعاملة مش تمام معاها
ومرة عشان قله المرتب الى يدوب بيعيشهم
بس برغم كل ده كان جوه فريدة حلم بيكبر يوم عن يوم
اصل حتى لو كانت زى بنات كتير ربنا ميزها بالجمال الربانى ، فالبنوتة دى
بنوتة زى كل البنات الى فسنها..نفسها تحب وتتحب
ع قدر كبيير من الجمال الغربى ، عيونها ملونة وشعرها اصفر
وبشرتها بيضا
ملفته للنظر فكل مكان تروحه، بس مش بتدى وش لحد!
ولا حتى ابتسامة..لا نسيت سعات بتبسم
لما بتشوفني
وجمالها كان السبب الرئيسي فحلمها ده ..
وحلمها كان السبب انى اشوفها مرة تانيه فنفس اليوم بتاع المستشفى
وبرضو صدفه !
بعد م مشيت هى وركبت تاكس .. انا كمان اخدت تاكس وروحت لشادى صاحبى عديت عليه
عشان نروح سوا الانترفيو
شادى: معاك الرواية يا صاحبى ؟
أمير: اه طبعا .. ده انا محضرها من بدرى ، ده حتى روحت بيها عند حازم اخويا فالمستشفى
شادى: وهو عامل ايه دلوقتى
أمير: تمام ..احتمال يخرج بكرة
بس متدشدش عالاخر
شادى: عشان يحرم .. اخوك بيضرب بطريقه تخوف
الخوف لفيوم يموت اوفر دوز !
أمير: والله تعبت معاه يا شادى .. قولتله انه بيتعب نفسه كده
يقولى دى حجات طيارى
خفيف خفيف كده
وماما متعرفش انه بيضرب حشيش وزفت
شادى: اهو حازم ده ربنا مش هيصلح حالة الا لو اتعلم علامة مينسهاش طول عمره
أمير: طب يلا بقى لحسن يفوتنا الانترفيو
شادي: ياعم ميرو متقلقش انت جااااااامد .. انا متاكد انهم هيشوفو قصتك من هنا
وهيمسكو فيك بايديهم وسنانهم
أمير: يارب .. بحلم والله
المهم
مشينا وروحنا الانترفيو .. الى كان فشركة انتاج كبيرة عاملة مسابقه تقديم المواهب
موهبة تأليف الروائى والقصصى
وموهبة التمثيل
كانو تقريبا عامليه اعلانات فكل حتة .. وانا من زمان كنت بكتب مع نفسى روايات كده
بس كنت بكتب واركن فالدرج الى جمب سريرى
وهو مين هيشو يا حسرة ؟!
بس المرة دى حاسس ان فيه خير لما شوفت الاعلان
وجرى روحت وخدت اكتر رواية كذا حد شهدلى بانها ممتازة :)
كنا عددت كبير هناك من الشباب والبنات
وناس بتدخل مكتب الناحية دى
وناس بتدخل الناحية دى
وناس معيطه وناس فرحانه .. وانا مستنى دورى
وبعدين مرة واحدة سمعت صوت..
صوت بنت شغالة تدرب ع اداء مشهد معين
وكانت فريدة
انا شوفتها من هنا ؟! ومصدقت اجرى ع شادى
أمير: شادي !
شادى: ايه
أمير: شايف البنت الى قاعده لوحدها ورا دى
شادي: انهى
أمير: الى عنيها ملونه ..انت باصص فين
اهيه (لوحت راسه ناحيتها)
شاادى: ااااااااااااه .. مالها؟
تعرفها
أمير: البنت دى من شوية حصل بينى وبينها دروب كده ! ملحقتش احكيهمولك
بس كنت حاسس انى هشوفها تانى مش عارف ليه
شادي: بس عادى يعنى .. م احنا كل يوم بنشوف
أمير: لالالا دى غير ..
شادي: غير ازاى ؟ انا شايفها عادية
ولبسها بسيط
أمير: ماشى... بس مش عارف
فيه حاجة بتشدنى عايز اتكلم معاها
واحنا بنتكلم.. جت سكرتيرة ونادتها
السكرتيرة رقم 76 انسة فريدة عادل
فريدة: ايوة (مبسوطة بخجل)
السكرتيرة: اتفضلى
شادي: اهى اسمها فريدة اهى يلا ابسط ياعم
أمير: حتى اسمها مش به اى حد ياربى :*
شادي: لا عايز افهم بجد .. ايه الى ففريدة غريب ؟
انا عندى ييجى 17 بنت فعلتنا اسمهم فريدة
ولا جت عند فريدة ووقفت
أمير: طب اسكت .. والله مانت فاهم حاجة
شادى: تلاقيها جاية عشان موهبة تمثيل
أمير: شفت.. ادينا طلعنا فنانين زى بعض واحساسنا مرهف
شادى: (بيبص فعين امير) اه تصدق.. مرهف وهينط من عنيك اهو
10 دقايق وخرجت فريدة
تشتم ومتنرفزة عالاخر وبتكلم نفسها
ساعتها جاتنى الجرأة انى اكلمها بقى .. فرصتى جت
اصل احنا كشباب.. بنعشق التلاكيك ;)
أمير: فيه ايه ؟ متقبلتيش ؟
فريدة: متقبلتش ايه .. دول قالولى انى موهبتى ممتازة
أمير: اومال زعلانة ليه ؟
فريدة: عايزنى اقلع الحجاب !! شوفت
قالولى ينفع تمثلى من غير حجاب ؟
أمير: مممممم وانتى هتعملى ايه
فريدة : هعمل ايه بقى م خلاص :/ (سرحت ل 3 ثوان وبعد كده اخدت بالها) ايه ده ؟
انت مين عشان توقف وتتكلم معايا وتاخد وتدى
أمير: هو انا عملتلك حاجة انا شوفتك متنرفزة فحبيت اعرف مالك ، غلطان انا يعنى
فريدة : وانت مالك متنرفزة ولا مضروبة ولا متنيلة وانت مالك
قريبى؟
اعرفك ؟
شادى كان قاعد من بعيد شوية وبيراقبنا وبيضحك ..
امير: وهو انا عملت ايه بس يافريدة .. جيت سالتك
وبعدين انتى مش لسه كان مغمى عليكى وانا فوقتك
يعنى يعتبر فيه معرفه سابقه
فريدة : وهو انا عملت ايه يافريدة ؟!! كمان عارف اسمى وبتنادينى كأننا اتنين ولاد عم مثلا
اوعى ي عم من سكتى
دى حاجة بقت تخنق
مشيت من قدامى وهى متنرفزة .. بس انا مقدرتش ازعل منها
بالعكس احترمتها اوى
وعششت فدماغى اكتر
وبردو حاسس ان ده مش اخرك معايا يافريدة
السكرتيرة قطعت سرحانى فيها وهى نازلة ..
: رقم 103 استاذ امير طلعت
شادى: بينادو عليك
امير: ايوة ..
اخدت ورقى ودخلت للانترفيو
وانا بفتكر الذكرى الحلوة دى ... قطعت حبل افكارى بنت اللذين اسماء بنت خالتى 3:)
وهى بتنفض اوضتى !
اتاريها مشرفه عندى من بدرى وشغاله تنفيض وترتيب ... بس انا مأخدتش بالى الا لما واحد من كتبى الى فوق تربيزة وقعو !
امير: انت بتعملى ايه ؟
اسماء: بنضفلك الاوضه يا امير .. مكركبة اوى ووممكن ...
أمير: ممكن ايه ؟
اسماء: ممكن تكون الكركبة دى وعدم دخول الشمس فيها ده السبب
فسكنة الجن والعفاريت فيها
اللهم احفظنا
أمير: اه ! يعنى اوضتى مسكونه جن وعفاريت؟
اسماء: انت مبتشوفش نفسك لما بتتحول ياامير ، احنا عايزين مصلحتك والله
أمير: اتحول .. طب يلا اطلعى برة قبل م اتحول بجد عليكى
وسيبى كل حاجة فمكانها
انا عايز اوضتى تفضل مسكونه
انا مبسوط كده
هما مأنسنى كده
اسماء: بس يا امير ....
امير: برة يااسماء (اخدتها من ايدها وطلعتها برة وقفلت الباب بالمفتاح )
وكان فدماغى حجات بتدور ..هما ليه بيعملو معايا كده
انا عايز حياتى تمشى كده ومحدش له دخل فاختيارى لحياتى مدام مش بأذى حد
بس مرة واحدة وانا بكلم نفسى عينى وقعت ع كتا من كتبى كان واقع عالارض
مطرح م رتبت اسماء
اسمه " شمس المعارف " !
فالاول معرفتش انا اشتريته امتى ولا انا قريت فيه ولالا
وبعد كده لما مسكته وفتحت اول صفحه فيه.. افتكرت .
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
الاء: ماما، هو احنا مش هنروح عند فريدة ؟
الام بتعمل بلوفر شتوى بالتريكو والصوف وقدامها سبرتاية القهوة..
الام: لا مش هنروح يا الاء، واسكتى بقى شوية
الاء: هو احنا مخاصمينها ياماما؟
الام: لا مش مخاصمينها
الاء: اومال مش بنشوفها ليه بس؟
الام: بقولك ايه ؟ روحى العبى فالشارع مع ولاد خالتك ..روحى
الاء: طيب
اتنرفزت واتنططت الاء ومشيت وهى بتبرطم ..راحت طبطبت عليها خالتها "كوثر" الى قاعدين عندها،
خالة كوثر: بالراحه عالبنت يا زينب..مش كل حاجة شخط ونتر كده
الام: (سابت من ايدها الابر) وانا هفضل لامتى شايلة لوحدى وساكته..
خالة كوثر: يعنى وايه ذنبها الطفله المسكينه؟! ها
قوليلى
وبعدين ايه الى عرفها بس باللى انتى فيه يا زينب.. ده قدر ومكتوب يا حبيبتى
الام: ونعم بالله .. ربنا يصبرنى ،انا حالى ربنا وحده الى يعلم بيه
خالة كوثر: ربنا يصبرنا كلنا
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
فريدة فالبيت !
لوحدها ... قاعده ف اوضتها وشغاله تطفى وتنور فالاباجورة الى جمب السرير
والبيت سكوووون فظييييع
ومرة واحدة الكهربا قطعت!
فريدة: يااااااااااادى الحظ
قامت تجيب شمعه ولا تدور عالكشاف..
وفجأة سمعت صوت برة زى فتح فالباب!
راحت انتبهت كده !... الصوت اتكرر تانى
مع ان مافيش حد معاها فالبيت .
وهى عارفه ان مامتها واختها اكيد عند خالته كوثر زى م مامتها كانت مصرة من زمان
يروحو يعيشو كلهم هناك
ويسيبو الشقه دى يأجروها ويستفادو بفلوسها جمب شغل فريدة اهو يساعدهم عالمعيشة .
بس فريدة كانت متأكده ان مافيش حد غيرها فالشقه !
طب الصوت ده جاى منين
صوت رجلين بتمشى .. وحاجة بتتحرك
فريدة اتخضت جامدوراحت جريت زى العيال الصغيرين استخبت فالدولاب !
وغمضت عيونها
وقالت فسرها "
هو البيت مسكون ولا ايه ...مسكون امتى طيب م احنا عايشين فيه من زمان ؟!
كده ياماما!
تسيبنى فموقف زى ده
يعنى انتى اكيد عارفه ان البيت فيه حاجة غريبة عشان كده عايزة تمشى من زمان
بس انا عشان اول مرة اقعد يوم كامل وم كونش فالشغل اعرف
طب انا هعمل ايه دلوقتي ؟!
انا مش فاكرة اى حاجة عشان اقولها
رجليا بتخبط فبعض.. وسناني
سلام قول من رب رحيم..سلام قول من رب رحيم"
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
"وهو احنا كل م نيجى نقعد معاك ياض تبقى ماسكلك كتاب وشغال قرايه فيه ؟
تقول هتاخد الدكتوراه بعدها ياخي
حامد: اولا يا ابو جهل ، دى ثقافه .. ثانيآ يا عم شادى
خليك انت فالمكرونة والبطاطس
والوجبات السريعه الى مبتفهمش فحاجة غير فيها
وخلينى انا اقرا
أمير: طب خلى القرايه بعدين يا حامد وخليك دلوقتى معانا ياعم
حامد: اصل الكتاب ده بجد شاددنى اوى .. عايز اعرف اخره
أمير: هو عن ايه؟
حامد: بص .. ده كتاب " شمس المعارف" تاليف احمد البونى
هو عن الجن والشعوذه والسحر
كان فيه لقاء فالتلفزيون من اسبوع وكانو بيتكلمو عنه ان كبار الكتاب بينصحو الناس بعدم قرأته
بس طبعآ معظم الناس زى حالاتى كان نفسهم يعرفو فيه ايه عشان الناس تحذر كده محدش يقراه
قررت اشتريه
ومن ساعه م جبته
مبطلتش قرايه فيه
أمير: (الفضول وحب الاستطلاع خلونى من غير تردد) ممكن بعد م تخلصة
تديهولى ؟
شادى: ياعم بيقولك سحر وشعوذة ! انت هتشتغل دجال يابنى انت ؟
أمير: لا بجد .. عايز اقراه
يبقى عندى خلفيه عنه عالاقل
افرض فيوم طلعت فالتلفزيون بعد م رواية من رواياتى تنجح وسالونى عنه
اقعد زى الحمار كده
مش فاهم حاجة .. مش لازم ابقى مثقف ياقفل انت
حامد: انا هديهولك بس خد بالك .. الى بيقراه
بيبقى عارف انه ماسك بين ايديه
مفتاح جهنم !!
كلمة مفتاح جهنم كانت هى السبب الاقوى انى استعير الكتاب
انا اصلى عمرى م خوفت من حاجة
وحسيت ساعتها ان زى ...
طب خلينى اكملكم بكرة..
يتبع...
