مطاردة غرامية

انا طلقت زوجتى من 25 يوم  بعد زواج دام  5سنوات هى بنت عمى وسبق لها الزواج قبل منى وكان معاها ولد لكن فطمته عن الرضاعه وهو عمر 9 شهور عشان كانت كرهت ابوه ورمته له  انا قلت بنت عمى ومها كانت ايه ..  مرت الايام وكان فيه مشاكل بينا كتير خصوصا ان انا لم اتزوج وكانت هى اول زواجه لي  مع العلم ان ربنا لم يكرمنا بالاولاد  كان نفسها تخلف عشان تعوض حاجه اتحرمن منها انا كشفت عليها كتير لكن ربنا لم يرد وانا كشفت كتير مفيش عندى حاجه كانت كل شويه تقولى عاوزه تتطلق  وكل شويه مشاكل وعلى طول عند اهلها ابوها لم يكن حكيما  كان بيعمل معايا مشاكل بسببها وكل شويه يزعق لى عشانها وانا مستحملش كده ابد على نفسى   مهما يكون ميهزقنيش قدام مراتى مهما حصل 

المهم زعلت ولما قلت عاوز اطلق اهلها بعتولى ناس عشان يصالحونا وانا رفضت الصلح وصممت على الطلاق 30 يوم بالظبط وتم الطلاق 

استاذه انا كنت عاوز اطلق وكنت مستعجل على الطلاق  لكن من يوم  اما طلقت لحد الان  انا مش عارف انام ولا عارف اركز فى شغلى ولا عارف اعمل اى حاجه فى حياتى  بحلم بيها بليل  بشوفها فى الحلم وهى بتعيط وناس من العيله بحلم بيهم بيقولولى حرام عليك 

انا حاسس ان انا مجرم ان انا ظالم  ان انا قلبى جامد  انا حاسس ان انا كسرتها لتانى مره  انا مش بنام استاذه اهمل ايه  مخنوق وزهقان  حياتى ظلمه من بعدها  مكنتش عارف ان انا بحبها للدرجه دى

مساء الخير استاذي الفاضل .. بكل بساطة رد زوجتك  مرة اخري لكن بعد ان تجلس معها وتصفي كل ما حدث بينكما وشرط اساسي يجب ان تتفقا عليه هو الاحتفاظ بمشكلاتكم لانفسكم وكل منكما يعد الاخر بذلك .. ان مشاركة الاسر في المشاكل الخاصة تزيد من حدتها وتتفاقم فلا تعرضا انفسكما لهذا مرة اخري من فضلك .. وبحبك لها تستطيع ان تصيغ حياتك معها بشكل افضل بكثير جدا .. خسارة ان يهدم الانسان حياته لاسباب يسهل علاجها ببساطة .. اتوافقني الرآي ؟ استاذي العزيز .. عد لزوجتك من جديد ولا تفرط في سعادتك بسبب اشخاص هم لايفهمون مدي تحمل لها من مشاعر راقية وجميلة .. عد ولا تخجل من هذا ابدا ولا تجعل الحساسيات تاخذك الي منطقة انتما الخاسرين فيها لا احد اخر .. ارجو ان تستجيب لنصيحتي فاليوم من الصعب ان نجد الحب الحقيقي وهي كما تفضلت وكتبت لا تتحمل جرح مرة اخري وانت من اقاربها في النهاية قبل ان تكون زوجا لها .. فكر سريعا وهم علي اتخاذ الخطوة الصحيحة ربما ما حدث بينكما يجعلكم مترابطين ببعضكما اكثر من اول زواجكما .. لعل الله احدث ما احدثة ليكن خير لكما .. تحياتي لك وامنياتي بحياة اكثر استقرارا .. نيفين حجازي