فضيحة علي الروف

فضفضة

فضيحة علي الروف
فضيحة علي الروف


الحقيني يا استاذة نيفين انا ساكنة في شقة والروف تبع الشقة عاملة فيه جنينة صغيرة وحاطة فيه ادوات للرياضة وبطلع كل يوم الصبح العب شوية رياضة قبل ما ابدآ يومي اتفاجئت من يومين ان في شخص مجهول بعتلي صوري وانا بلعب والصور بعتها في ظرف مع البواب اكنه جواب عادي وعامل نسخة منهم علي سي دي دة معناه انه صورني علي الموبايل ونسخهم علي سي دي وكاتبلي جملة في ورقة “ حبيتك يا مزة ممكن نتعرف “ انا ذهلت اول ما شفت الكلام دة واترعبت لاني عارفة الطرق الحقيرة في ابتزاز البشر لاننا بقينا في زمن منيل وقلقانة اقول لوالدي علي المشكلة .. اتصرف ازاي من فضلك لو سمحتي ؟
ب. ا

فضفضة
محررة الصفحة .. نيفين حجازي
اول تصرف هو اعلام والدك بما حدث ليعينك علي الحل السليم وبدون تفكير ستتوقفي عن ممارسة الرياضة علي الروف الخاص الا اذا اغلقتي الرؤية تماما باي وسيلة لتحجبي تلصص اي شخص عليكي حتي اثناء عنايتك بالزرع الخاص بك .. وانتي المخطئة من البداية .. اعتذر عن اتهامك لكنها الحقيقة .. لا احد يفعل كما فعلتي نحن لا نعيش في المدينة الفاضلة