"أنا زويل الثاني".. قصة عالم مصري صدم حضور منتدى شباب العالم: يُحارب مرض قتل والده (فيديو)

وهنا، استدعى الرئيس عبد الفتاح السيسى الشاب، وخاطبه السيسى قائلاً: "احنا عاملين الكلام ده كله عشان كل شباب مصر وشباب العالم يتكلموا.. وأنا هنا مش بتكلم فى الحب، لكن أنا عايز اقول لك إحنا بنعبر عن نفسنا وكل اللى بنتكلم به والطريقة اللى بنتكلم بها الناس بتشوفها وبتحكم علينا بها، وعشان كده بقولك تعالى وأقول اللى انت عايزه".

وبعد حديث الرئيس، رد الشاب : "انا اسف.. بس أنا عالم مصرى وبقالى ثلاث سنوات من الكفاح شغال على مرض الفشل الكلوى، وعملنا الكلى الصناعية قابلة للزراعة فى جسم الإنسان بما يعنى إنه مش هيبقى فيه فشل كلوى تانى، والسبب فى ده إن والدى توفى منذ 3 سنين متأثرا بهذا المرض، وأنا أخذت هذا المرض عدو ليا".

وتابع الشاب :"أنا زويل الثاني، من 3 سنين توفي ولد بمرض الفشل الكلوي ومن هنا عاهدت نفسي للعمل على هذا المرض وأنا اشتغلت على هذا الأمر ، حاولت بالأمس عرض التقرير في 5 دقائق لكنني لم استطيع"، متابعًا:"أنا كنت عاوز أعرف العالم كم تستطيع مصر محاربة هذا المرض"، وأعتذر الشاب في بداية الحديث عن صياحه لتوضيح وجهة نظره.

وقدم الباحث المصرى أسطوانة للرئيس السيسى تحتوى على دراسته فى مرض الفشل الكلوى، قائلا "احنا شغلين وعايزين نوصل صوتنا.. وأنا بتكلم فى العلم وهو ثقافة حينما تنقل من دولة إلى أخرى للتعبير عن إن مصر بتوصل فى هذا المجال".

وعلق الدكتور مصطفى الفقى، رئيس مجلس أمناء مكتبة الإسكندرية، على استدعاء الرئيس عبد الفتاح السيسى للشاب، مخاطبا الشاب قائلا "الرئيس نده لك انت حظك من السماء يخرب بيتك"، فدخل الرئيس عبد الفتاح السيسي، في نوبة ضحك، بسبب تعليق الدكتور مصطفى الفقي.