هشام شحاتة: "كان نفسي وليد سليمان يبقى مكاني"
وجه هشام شحاتة لاعب الاتحاد السكندري، الشكر للجماهير التي حصرت على الاطمئنان عليه بعد الإصابة التي تعرض لها في لقاء الأهلي بالدوري العام.
وتعرض "شحاتة" لاصابة قوية بعد تدخل عنيف من وليد سليمان نجم الأهلي، في اللقاء الذي جمعهما ضمن منافسات الجولة الخامسة والتي انتهت بفوز الأحمر بهدفين دون رد.
وكتب "شحاتة" عبر صفحتة الشخصية على موقع التواصل الاجتماعي "فيسبوك" قائلا: "أنا الحمد لله كويس والف شكر لكل واحد سأل عليا والناس اللى وقفت جنبى دكتور عمرو الاشلم، الحاج محمد مصلحيى الراجل المحترم زمايلى ف الفريق والجهاز الفنى والادارى وكل واحد كلمنى ربنا يخليكم ليا وجماهير نادى الاتحاد اللى هما ناس أبو الأصل".
وأكمل: "أنا أن شاء الله هرجع أحسن من الأول بإذن الله انا نفسى بس سوال لكل الناس لو كابتن وليد سليمان مكانى كان الإعلام وكل الناس هتعمل ايه نفسى كابتن وليد يكون مكانى ويحس ب اللى انا فيه بس انا بحمد ربنا أن كابتن وليد بخير وانا عمرى مكنت مؤزى انا معايا شهر وبعد الشهر هعمل اشعه تانى ويارب ميكونشى عمليه.. وربنا كبير".
وواصل: "تانى بشكر كل واحد سأل عليا سولكم ده هو اللى هون عليا بس أصعب حاجه الاذيه وخاصه لما تازى حد ف أكل عيشه ومصدر رزقه".
واختتم: "متشكر جماهير نادى الاتحاد وناس اسكندريه اللى كلهم أصل ويحبوا ناديهم ولعبتهم وبشكر مجلس اداره النادى والحمد لله على كل شئ".
