خاص| سما المصري لـ"الفجر الفني" عن "تغريدة نزول الشارع ملط": "ماليش حساب على تويتر وسأقاضي صاحبه"
قالت الفنانة سما المصري، ردا منها حول ما أثير عبر مواقع التواصل الاجتماعي وتناقلته بعض المواقع الإخبارية عن نزولها إلى الشارع بدون ملابس في حالة فوز النادي الأهلي ببطولة إفريقيا: "لكل الناس لآخر مره أنا مليش لا فيس بوك ولا تويتر واللي انتشر امبارح على تويتر إني هنزل شارع جامعة الدول لو الأهلي أخذ بطولة إفريقيا كلام فارغ وأنا مااعرفش عنه حاجة ولا أعرف مين صاحب التويتر اللي كتب الكلام دا وسبق وقدمت فيه بلاغ هو وكل واحد منتحل صفتي علي تويتر وفيس بوك لان دي مش أول مره ينزلوا حاجات مش كويسة باسمي على المواقع دي المنسوبه ليا".
وتابعت في تصريح خاص لـ"الفجر الفني": "أنا مش محتاجة أكتب حاجات قذرة زي اللي بيكتبوها دي.. أنا مليش غير أكونت إنستجرام بس اللي هو دا ورجاء أي حاجة، تنزل على السوشيال ميديا تخصني برجاء سؤالي عليها الأول قبل ما أي حد ينشر حاجة وأي موقع ينشر حاجة مش صحيحة عليا سأقاضيه غير الفضيحة اللي هفضحها له لأنه موقع غير محترم وبينزل أخبار باسمي ودي اسمها نشر أخبار كاذبه وتشهير بيا وكمان هاعرف الناس أنه موقع كذاب وبيغش القاري ولا ينشر الحقيقة.. من الآخر هاشرد له عشان تاني مره يبقي يتحري الحقيقة مايبقاش كل همه يعمل ترافيك علي خبر مضروب وينسبه ليا....بس دا للعلم وشكرا".
