عزب: "مرتضى منصور ميخوفش غير نفسه"

نفى الفنان محمود عزب، والشهير بـ"عزب شو"، خوفه من المستشار مرتضى منصور، رئيس نادي الزمالك، حيث قال: "أنا مش بخاف من مرتضى منصور وميخوفش إلا نفسه، وهو بيهدد أي حد، وانا عمري ما اعتذرت لمرتضى منصور".

وأضاف خلال لقائه في برنامج "دائرة الشر" على قناة "صدى البلد" قائلا: "قلدت المستشار مرتضى، فى برنامج كوميك شو، وقلدته إنه بيتخانق مع شعر دقنه، والمستشار طلب مني أحذف 3 دقايق من وقت الشخصية لما قلدته، وتمثلت في كلمته للناس اللي كانوا فى ميدان التحرير لما قال الناس دي لو ممشيتش من الميدان أنا هروح لهم، والجمله دي حذفتها واشتريت خاطره، واحتراما ايضا للمهندس أسامة الشيخ اللي كلمنى وطلب منى حذفها، وخصوصا ان البرنامج كان بيتعرض على دريم".