فاطمة ناعوت: "اللي يهاجم أعزل بيصلي بلطجي ابن حرام"

وكتبت "ناعوت"، في تدوينة علي حسابه بموقع التواصل الاجتماعي "فيسبوك"، اليوم الأحد: "استهداف الكنائس والمسيحيين بيصلوا أوقات أعيادهم مش إرهاب، دي خسّة وحقارة وانحطاط أخلاق ووضاعة وسفالة ووطيان، اللي يهاجم حد أعزل بيصلي في دار عبادته ده مش إرهابي بس، ده بلطجي ابن حرام، واللي حرضه يعمل كده بلطجي وابن حرام".

وتابعت:"طول مانتوا سايبين المحرضين أحرار لسانهم مطلوق مترين من مشايخ فتاوى إشاعة الكراهية والبغض بين الناس، أوعو تقولوا إنكم بتواجهوا الإرهاب". 

وواصلت:"الإرهاب في ألسن الدقنجية دول مش في الأحزمة الناسفة والقنابل، تعالوا شوفوا الإمارات الناس عايشة في أمان ازاي، بلا خيبة علينا وعلى سنينا السودا، يا خسارتك يا مصر، خسارة أن علامات الترقيم مفيهاش علامة قرف بدل علامة التعجب دي".

وكان انفجار استهدف كنيسة مارجرجس بطنطا في محافظة الغربية، بالتزامن مع احتفالات "أحد السعف"، ما أسفر عن استشهاد 21 شخصًا وإصابة 41 آخرين، حسبما ذكر التقرير المبدئي لوزارة الصحة.