والد أحد شهداء مذبحة بورسعيد لمتحدث "تمرد": "صفوت حجازي كان بيحركك زمان "
شن على محسن، والد الشهيد "عمر" أحد ضحايا مذبحة بورسعيد، هجومًا حادًا علي محمد نبوي، المتحدث الرسمي باسم حركة تمرد، عقب تصريحاته الأخيرة عن أن الإخواني صفوت حجازي علم بأحداث بورسعيد قبل وقوعها بـ 10 دقائق، متسائلًا عن أسباب ظهوره للإدلاء بتلك الشهادة بعد كل هذه المدة ؟، وما علاقته بصفوت حجازي؟.
وأضاف "محسن"، خلال مداخلة هاتفية مع الإعلامي أحمد موسى، ببرنامج "على مسئوليتي"، المذاع على فضائية "صدى البلد"، مساء الإثنين: "أنت بتقول إن صفوت حجازي كلمك وقالك على المذبحة، يعني هو اللى كان بيحركك زمان، وبعد كده بقيت في تمرد، دلوقتي مين اللى بيحركك !، أنا عاوز أفهم سبب ظهورك دلوقتي!.
وتابع: "ضميرك صحي بعد 5 سنين، لما المحكمة أصدرت حكما باتًا ونهائيًا على 11 واحد مجتمعين، أنت عاوز إيه دلوقتي، الضمير ده كان فين.. يرضي يحصل لـ بنتك اللى حصل لولادنا".
