ميدو بعد فضيحة "الفيديو": "مش بنبيع سبح وفوانيس"

قدم أحمد حسام ميدو مهاجم الزمالك والمنتخب السابق اعتذاره للجماهير بعد الفيديو المسرب خلال الاستوديو التحليلي لمباراة المنتخب والبرتغال يوم أمس في سويسرا ضمن التحضير والاستعداد لكأس العالم.

وكتب ميدو عبر حسابه بتويتر: "‏امبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة فى أسرع وقت ممكن ..أكيد مش ذنب أى حد أنه يسمع الألفاظ دى".

وأضاف ميدو: ‏"أما عن الشباب اللي عايشه الدور ومصدومين من الألفاظ وكده، وكانوا فاكرين أن احنا واحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك".

وتابع ميدو: ‏"كلنا واحنا بيننا وبين بعض بنهزر وبنضحك، وأكيد لو أى حد سجل ليك انت وصحابك فى كلام أكتر من كده ممكن يطلع.. مره تانيه باوعدكم هنجيب اللي سرب الفيديو ومش هنسيبه!! صباح الفل عليكم جميعا".