أسامة كمال: "محدش بيمن على مصر.. والمشاركة في الانتخابات رسالة للعالم" (فيديو)

الفجر الفني



قال الإعلامي أسامة كمال، إن مشاركة المصريين في التصويت بانتخابات رئاسة الجمهورية رسالة للعالم بغض النظر عن اسم المرشح الذين سيعطوه أصواتهم.

 

وأضاف "كمال" في برنامج "مساء dmc " اليوم الخميس : "ماحدش بيمن على مصر، أقصى حاجة حد يكون عملها، هي إنه يكون أدى واجبه وعمل اللي عليه" متسائلًأ: هل ما قدمه المواطن يساوي ما قدمه الشهيد والمصاب  وأولادنا الذين يقفوا على  خط النار في مواجهات مع الإرهابيين.

 

وتابع: "لا ينفع يطلع سياسي يقول أنا عملت ولا إعلامي ولا صحفي ولا موظف ولا وزير، لأن كل دول من حقهم في أي لحظة يخلعوا ويسيبوا مكانهم أو يتخلعوا لو ما عملوش اللي عملوه وأكتر حبتين، تلاتة، عشرة اوعى تفتكر إنك لو نزلت الانتخابات تبقى منيت على مصر".

 

وقال: "كلامي ممكن يزعل ناس وناس كبيرة كمان ويقولوا لي مش وقت الكلام دة، لكن معلهش في رأيي إن اللي أوله شرط أخره نور،  أنا شايف ألاف ويمكن ملايين المصريين موجودين في كم رائع من حملات دعم الرئيس أو دعم الانتخابات والنزول فيها، شايف ناس بتصرف، وناس بتسافر وتتعب، وناس بتحضر وناس بتحضر ومش متوقع أسمع من حد منهم إنه طالب مقابل".