عمر طاهر يشكر رامي صبري لهذا السبب
أعرب الكاتب الشاب عمر طاهر عن امتنانه للمطرب رامي صبري لأنه أول من أعطى له الفرصة وغنى كلمات اغنية "حبيبي الأولاني"، بعد أن فقد الأمل.
وكتب "طاهر" عبر حسابه بموقع التواصل الاجتماعي "فيسبوك": "هافضل مدين بالشكر ل رامى صبرى إنه أول واحد يخلى كلامى يتحط على مزيكا .. بعد ما كنت فقدت الامل إن ده يحصل و قفلت باب كتابة الغنا فى حياتى للأبد .. هافضل فاكر الركن الضلمة اللى قعدت فيه علشان أكتب على المزيكا اللى رامى جايبها و بيطلب منى أرجع ف كلامى و أجرب أكتب المرة دى بس .. الركن اللى كان ماليه سؤال ليه الغنا رافضنى .. و ليه لما رميته من حساباتى جى يترجانى ؟".
وأضاف "طاهر": "ماكنش فيه حاجة ممكن تخلينى أرجع ف كلامى لولا مطرب جديد ب أحبه و دى أول غنوة هيقدمها للناس و واقف مستنى كلمتين يقول بيهم أنا موجود .. الغنوة دى اتكتبت لوجه الصداقة و ماكنتش ناوى أرجع تانى الملعب ده .. لولا إنه هو اللى بيطاردنى .. كتبت بعد الغنوة دى كتير .. بس مافيش زى أول مرة يجى لك كلامك من شباك بعيد ماتعرفش أصحابه و أنت ماشى فى الشارع لوحدك .... ممكن أنسى أسمى أنسى الناس أنسى أعيش بس أول مرة أحب مابتتنسيش. أو كما قال " وابتديت أعرف غلاوته لما راح".
