محمد موسى يفتح النار على إسلام خليل.. ويؤكد: "مش هنسيب حقنا" (فيديو)

توك شو



عرض الإعلامي محمد موسى، تغريدة خاصة بمؤلف الأغاني الشعبية إسلام خليل يهاجم فيها برنامج "خط أحمر" بعد حلوله ضيفا بالبرنامج الأسبوع الماضي.

وأوضح "موسى"، أن إسلام خليل حاول معه أكثر من مرة أن يظهر بالبرنامج، مشيرًا إلى أن "خليل" كان يرسل له رسائل على "الواتس آب"، فضلا عن رسائل نصية لطلب الظهور بالبرنامج، معقبا: "اتحرجت منه وكلفت معدة البرنامج بإعداد فقرة عن الأغاني الشعبية ودعوته للحضور".

وأشار "موسى"، إلى أن بعد إنتهاء الحلقة إدعى إسلام خليل أنه تم نصب كمين له بالبرنامج، معقبا: "احنا مبنعملش أكمنه له ولا لأي حد"، مضيفًا أن "خليل" طلب من وسطاء من بينهم رئيس قناة العاصمة بهدف التدخل لديه لاستضافته مرة أخرى بالبرنامج لتحسين صورته.

وأضاف أن رئيس شبكة قنوات العاصمة كلفه بإنهاء الموضوع، حيث تواصل بالفعل مع إسلام خليل لتوضيح الأمر، مؤكدا أن كل ما كتبه إسلام خليل على صفحته بحق البرنامج، لم تحدث منه كلمة واحدة.
واستعرض "موسى"، محتوى البوست الخاص بإسلام خليل، قائلا: "إسلام خليل كتب عننا المزيع اللي علي قده، أولا يا مؤلف ياكبير ياللي قلت علي نفسك هنا أنك أحسن مؤلف في مصر، مذيع مش بالزين مذيع بتكتب بالذال.. ده أولًا".

وتابع: "إسلام خليل قال أني جايب إتنين محدش يعرفهم، وعملولي فخ عشان يتسيطو علي حسي، لا يا إسلام مفيش حد عملك فخ لأنك عارف موضوع الحلقة وحتي كنت طالب مني أستضيف محامي معين معروف أقول كمان ولا كفاية، وأحب أقولك أن ضيوف الحلقة معاك كانوا ناس معروفين جدا وناس محترمين ولهم قيمتهم زيك وأكتر شويتين".

وأردف "موسى": "إسلام خليل كاتب الحمد لله اكتشفت اللعبة القزرة.. وأنا بقوله أولا يا مؤلف يامعروف ياكبير أوي لما تكتب القذرة ضروري تعرف إزاي بتكتب بالذال مش بالزين ".

وعقب "موسى": "أولا إسلام عندي الرسائل الصوتية اللي بصوتك اللي أنت بتطلب فيها أني أستضيفك معايا يعني مش إحنا اللي فكرنا فيك أنت اللي طلبت مننا أنك تتطلع معانا، ولو تحب أني أذيع أشر أنت بس قول وأنا أذيع.. عيوني لك".

وتابع: "إسلام خليل كاتب أنه ظهر مع مزيع كاذب وبيخدع ضيوفه، ده كان كلامه، وانا مش هرد علي حكاية أني مذيع كاذب دي أولًا لأنها مكتوبة غلط، ثانيًا أكيد الناس عرفت دلوقتي مين الكاذب واللي مش كاذب ومين بيضلل الناس وبيخدعهم يامؤلف ياكبير ياللي كنت كل شوية تتكلم عشان تطلع معايا وبعد ما أنت غلطت عملتلك بلوك وعايز تقدم شكوي ولا ترفع قضية براحتك وأهلًا بالمعارك عشان نسيطك عندنا أصلك بتحب تتسيط، وأحب أقولك كلمتين وهما أننا بنقدر كل الناس وبنقدرك أنت كمان لكن خدها نصيحة مفيش إعلام محترم بيرضي يكون ملاكي لحد".

وأعلن "موسى"، أنه كلف المحامي برفع قضية على الشاعر إسلم خليل، مضيفا: "ومش هنسيب حقنا".