طلاب مدارس المتفوقين: "تنسيقنا مالوش ملامح".. والوزارة ترد
بدأ طلاب مدارس المتفوقين في تدشين هاشتاج تحت عنوان: "تنسيقنا مالوش ملامح"، وقام الطلاب بتداول رسالة لهم على صفحات التواصل الاجتماعي فيس بوك وتويتر مضمونها: "دلوقتي احنا طلاب مدرسة المتفوقين في العلوم والتكنولوجيا بالدقهلية وباقي مدارس المتفوقين بنعبر عن مطالبنا المتمثلة في وضع نظام واضح للتنسيق وإيقاف التجاهل والدعوة لاجتماع عاجل مع المجلس الأعلى للجامعات؛ لأن خلاص مفيش وقت للانتظار أو التجاهل".
وأضاف الطلاب: "دخلنا المدرسة عايزين حاجة واحدة وهي أننا نلاقي تعليم نضيف ف بلد تعليم فيها ضايع.. كنا عايزين اهتمام أكبر من خلال الأبحاث والمسابقات اللي بنمثل مصر بيها والابتكارات اللي بتخرج كل ترم من كل واحد فينا.. مطلبناش شيء كبير أو شيء صعب تحقيقه كل اللي طلبناه كلية نخشها أو نعرف طريقنا هيكون فين بعد الـ3 سنين".
وصرح الإعلامي أحمد خيري المتحدث الرسمي باسم وزارة التربية والتعليم، أنه بالنسبة لمشاكل مدارس المتفوقين، فإنه يتم الآن التنسيق بين قيادات الوزارة والمجلس الأعلى للجامعات والمشكلة في طريقها للحل.
