نور إسماعيل تكتب: شمس ديسمبر.. الحلقة الخامسة
الام: هاتى .. (لاحظت الفون فإيد الاء).. ايه ده !.. انا مش قولتلك قبل كده مالكيش دعوة بتلفون اختك !
الاء: انا بلعب الالعاب
رن الفون !
الام: هاتى يابت .. وروحى العبى واخر مرة تمسكيه فاهمة ولالا
الاء: بس فريدة كانت بتديهولى لما بعوزه ..وهى دلوقتى سابته ورامته هاتيه العب بقى والنبى والنبى ياماما
الام: قولتلك امشى .. (فتحت وردت ) الو ..
الو...
امير : (سمعت الصوت ! قلبى اتهز هزة .. لما صدق خلاص الى كان متأكد منه كمان
فضلت حماتى تقول الو .. الو
لحد م قفلت الفون وانا مش حاسس
لما امتلكنى اليأس خلاص
بس عالناحية التانية..
ماما فريدة : (قفل امير) لا حول ولاقوة الا بالله
بتقلب فالفون ..
بت ياالاء.. انتى اتصلتى بحد من موبايل اختك؟
الاء: انا (خافت وكدبت ) لا ياماما
الام: لا اهو متصلة بامير امبارح
الاء: انااا ..
الام: ولاكلمة ! حسك عينك تمسكى الموبايل تانى
انتى سامعة
يلا روحى من وشى الساعه دى..
مشيت الاء وكانت زعلانة من طريقه مامتها معاها الى مش فاهمة هى ليه مرة واحدة اتغيرت كده !
بس ساعتها مامت فريدة قالت فسرها كلمتين صغيرين وفاكرة ان مافيش حد سامعها
"كويتى قلوبنا كلنا يابنتى "
لكن الخالة كوثر كانت بتجيب حاجة من المطبخ وسمعت ..ونزلت غصب عنها الدموع ..
=-=-=-=-=-=-=-=-=-=-=-=-=-=-=-=-=-
الجميل سرحان ف ايه ؟
ايمن : (ابتسم واخد منها القهوة ) هالة ! لا ولاحاجة
هالة : لسه بردو بتفكر فموضوع امير
ايمن: عارفة.. جملة وتفتكر انها كملت حياتى من بعدى منه
وبعدها قالى تبقى دكتور حمار
عارفه ده معناه ايه ؟
هالة: معناه انه واحد قليل الادب ..ومجنون
ايمن: لا ..معناه انى بجد غبى
انا ازاى مفكرتش فنقطة زى دى
هالة: نقطة ايه ؟
ايمن: احتمال جه فدماغى لما بعد م اترددت فدماغى جملته دى، وعرفت فعلا ان حكمى كان صح من البداية
بس استنتاجى اخطئ فبدايته
هالة: المفروض تسيبه بقى.. وتفكر فالمرضى بتوعك
ده واحد مستهتر ومش عايز يتعاون معاك
وقل ادبه عليك
ايمن: ده واحد مريض ياهالة ، ربنا قال ليس عالمريض حرج
يعنى المفروض ماخدش ع كلامه
اوجع مرض فادنيا ..مرض النفس
هالة: افهم من كلامك انك هتكمل معاه جلسات وعلاج؟
ايمن: لازم اكمل .. امير مرضه النفسى اتحدانى
وانا مش هرجع غير لما اعالجه بجد
هالة: والله انا خايفه تتعدى منه يا ايمن
ايمن: ههههه اتجنن يعنى ؟
بس انتى مش هتسيبنى زي حبيبته وبعدها السع
هالة: انا طول عمرى جمبك ياحبيبى
ايمن: ربنا يخليكى ليا يارب
=-=-=-=-=-=-=-=-=-=-=-=-=-=-=-=-=-
امير: مكنتش اعرف انى بحبها للدرجه دى
حامد: ازاى مكنتش تعرف يابنى ، ده كل الناس كانت عارفه انك مجنون فريدة
شادى: بس اختيارها لنهاية حواركم ..
امير: متقولش اختيارها !! انا متأكد انها معملتش كده
شادى: اومال مين يا امير ؟ ياامير احنا عايزين مصلحتك
احنا اصحابك وخايفين عليك
هى واحدة مجنونة بالتمثيل والشهرة والافلام والمسلسلات وانت عارف ده كويس
امير: بس مش لدرجه ...
حامد: لا ياامير ، كلام شادى صح
فريدة كنت كتير بحس لما بقابلكم واتكلم معاها .. انها بتحب تتقمص اى دور مش دورها
انا متأكد ان هى اختارت تعمل كده
يمكن عشان كانت دايمآ جملة عايزة ابقى مشهورة فيوم من الايام
لازقة فلسانها
امير: قصدك يعنى انها اتجننت مرة واحدة واختارت تعمل ده ؟ طب وليه
ده احنا كنا مبسوطين سوا
ده انا عمرى م زعلتها
عمرى م نيمتها متدايقه
مافيش حاجة طلبتها منى الا ونفذتها
فريدة كانت دايمآ تقولى انت كل حاجة فحياتى
ليه تعمل معايا كده
ميلت فالارض وانا ببكى ..
حامد: (بص لشادى ع ان يبطلو كلام فالموضوع ده بقى ) طب خلاص ياامير
الى حصل حصل
ودى حاجة مش بايدك
قوم
شوف دنيا جديدة ليك
افتح محلك
شوف حياتك
امير: (رديت وانا كلى حزن ) هى كانت حياتى
حامد: طيب يعنى كل مرة هنجيلك فيها هتكون كده؟
شادى: ماهو يعنى مش هينفع يا امير .. الحياة مش هتقف
ارحم نفسك
وارحم امك الغلبانة
وارحمنا يااخى فعرضك
امير: والله انا مقولتش لحد فيكم يوقف حياته عشانى
حامد: شادى ميقصدش ياامير .. احنا متدايقين عشانك
امير :_____
شادى: يلا بينا ياحامد..نبقى نجيله فوقت تانى
حامد: انا هاخد الكتاب ده (بيمسك شمس المعارف )
امير : لا ! متخدوش
حامد: بقولك ايه .. الى بتفكر فيه مش هيحصل والكتاب ده مش لازم يفضل معاك
امير : (ساعتها وقفت قصاده مع انى عمرى م كلمت حد منهم بحدة قبل كده )
انا عايزه يااحامد
حياتى كلها متوقفه عالكتاب ده
شادى: انت شكلك اتجننت خلاص .. حياتك ايه المتوقفه عليه الزفت ده
انت ناوى ع ايه
امير: هى كلمة مش هتاخده ياحامد
حامد: يابنى ادم ده ممكن يأذيك ويأذى والدتك.. وع فكرة متصدقش كل حاجة فيه
عشان بجد متهربش منك
امير: هى لسه هتهرب منى .. مبقتش عندى حاجة ازعل عليها ياحامد خلا ص
حامد: وانا اسف ياامير مش هساعدك تكمل ع نفسك تدمير اكتر مانت تعبان
ويمكن الى انت فيه يكون هو السبب
عشان انت قريت فيه من غير م تحصن نفسك بالايات الى ادتهالك
امير: بص لو اخدته ؟ انا هنزل اشترى واحد
ومحدش هيرجعنى عن الى هعمله
شادى: لااااااااا ده اتجنن رسمى .. انا نازل ياعم
حامد: هتخسر ياامير
امير: مش اكتر من الى خسرته
نزلو وانا عارف انهم زعلو منى ..بس انا كان لازم احتفظ بالكتاب
ده فيه حياتى اوموتى!
=-=-=-=-=-=-=-=-=-=-=-=-=-=-=-=-=-=-=-=-=
على فكره استعباط مبحبش ، انتى عايزه تعرفى غلاوتك عندى اد ايه يعنى ولا ايه ، قومى بقى بلاش دلع!
صورة مش واضحه ...
وفريدة بتتقلب وهى نايمة ..
ورجعت شافت تانى فالحلم
انا مش مجنووون انتوا بتعملوا معايا كده ليه!!
وبعدها صرخه عالية من صوت حد مش عارفه تشوفه كويس فحلمها
ياااااااااااااااااااااااااااارب !!
وتقوم مفزوعه !!
فريدة: ها !! اشهد ان لا اله الا الله وان محمد رسول الله
ايه ده ؟
كابوس فظيع
بتبص حواليها لاقت بردو الشقه ضلمه ، والشمس غابت
فريدة: يوووووه ع صحيانى كل يوم فالساعه دى
انا تعبت وزهقت بقى حياتى بقت متشقلبه عالاخر، بصحى بليل ومش بروح الشغل
ومرة واحدة بنام
واحوالى متغيرة كتير .. ومش بشوف ماما ولا الاء
ولا امير بيزورنى
طب حتى لو كنا متخانقين ..دى اول مرة يعنى نتخانق فيها المفروض مش يعاملنى كده
هو الموبايل بتاعى فين ؟؟
اكيد هو اتصل بيا ..بس انا مسمعتوش لما كنت نايمة
فريدة قامت تدور ع الموبايل، واستغربت اوى انها نامت امبارح جمب تربيزة السفرا فالصالة !!
منامتش ع سريرها
وهى بتدور .. اتفتح تانى باب الشقه
فريدة رجليها اتخبطو فبعض،وجريت تانى لنفس المكان تستخبى فيه
بس المرة دى كان فيه خطوات رجلين لناس كتير
اكتر من شخص يعنى
وصوت حاجات بتتحط وبتتشال
هى كانت خايفه تطلع تشوف ايه الى بيحصل .. وبقت مصدقة اوى
ان ممكن يكون البيت فعلا بقى مسكون ولا حاجة
وساعتها هى مش عارفه هتتصرف ازاى
ويمكن العفاريت هما السبب فشقلبه حالها ده !
تكون ملبوسه مثلا ؟!
هى فكرت كده .. بس ياترى تفكيرها ده منطقى ولا حقيقى
ولا هو فعلا كده
=-=-=-=-=-=-=-=-=-=-=-=-=-=-=-=-=-=-
الام: الجو ابتدى يبرد يا اسماء.. اقفلى الشيش يابنتى
اسماء: طبعآ ياخالتى .. قربنا ندخل ع شهر 11
خلاص الشتا دخل
الام: ليه هو انهاردة كام ؟
اسماء: انهاردة.. 10/28 ياخالتى
وانا من جوه !! كنت بقرا فكتاب شمس المعارف..ومعرفش سرحت ف ايه وسمعتهم
امير: 10/28!
عيد ميلاد فريدة
ازاى انسى .. زمانها زعلانة منى دلوقت
لازم اقوم واروحلها
قمت من مكانى ورحت اطلع من الدولاب.. اجمل تى شيرت جبته فحياتى
واول بس ما مسكته،، رجع بيا الزمن لاجمل يوم ميتنسيش !
شادى: واد ياامير !
امير: ايوة ياض
شادى: انت فين ياباشا
امير: فالمحل بتاعى هكون فين يعنى ؟ وبعدين انت قطعت تركيزى كنت بكتب حتة فالرواية الجديدة
عايز ايه
شادة: رواية مين يا عبيط.. قوم اركب اى حاجة وتعلالى ع مول ... عايزك بسررررعه
امير: شوف ابن الجزمة بقوله بكتب حاجة يقولى تعالى المول
حد قالك عايز اشترى حاجة
شادى: ياعم خف زفارة لسانك دى وتعالى متحرقش المفجأة ..
امير: فيه ايه يعنى ؟
شادى: هتدعيلى بس تعالى
خدت بعضى وقفلت محل الورد الى حيلتى .. ورحت لشادى اشوف عايزنى ليه
امير: نعم !! ادينى جيت ودبيت مشاور ابن كلب
شادى: البت الموزة الى انت بتحكيلى عنها ع طول
بتاعت الخروب طيب
امير: فريدة
شادى: بتاعت الانترفيو التمثيل..
امير: ايوة هى فريدة ..مالها
شادى: بتشتغل هنا فمحل الملابس الشبابى .. فالمول ده شوفتها واتصلت بيك
يلا بقى يا معلم عشان يمكن المرة دى تاخد رقمها ولا حاجة
امير: بجد .. (بيبوسه ) صاحبى يا شادى
صاحبى صاحبى يعنى
شادى: طب يلا بينا اعمل نفسك بتشترى حاجة
لفينا وقعدنا نعمل نفسنا بنتفرج .. واول م شوفتها اتشليت مكانى
وهو يا جدعان حد قدام العيون دى يعرف يتكلم ولا يتحرك !!
فيه كده يا ناس
المهم اشتريت تى شيرت ورايح ناحيتها لاقيت فيه واحد من الزباين بيستخف دمه عليها
ولاقيته زعقت مرة واحدة
والواد قل ادبه بزيادة عليها
وانا دخلت بقى شجيع السيما ااااا
امير: فيه حاجة ياانسة ؟
فريدة: الاستاذ بيقل ادبه عليا وبيقولى رقمى فوسط الفلوس قال
الشاب: وانت مال امك
امير: مال امى .. الحق
شادى: ايوة
امير: بيقولك وانت مال امك.. انا هقولك بقى
الشاب: فييين المدير
شادى: انا المدير .. أؤمر
الشاب: اه ده شغل استخفاف واستلطاف ياروح امك منك ليه
امير: روح امك !! الحق
شادى: ايوة
امير: طب تعالى بقى
لاقيت نفسى بقدرة قادر طلعت فوق كتافه رغم انه اطول منى جايبه الارض وشادى بيساعدنى
وهى طالع عليها تصوت !
هههههههههههه
دشدشنا وش اهله شوارع .. وفجأة جه المدير بتاع المحل
المدير: ايه ده .. فين الامن
فريدة: يا فندم الشاب ده جه وغلس عليا وهما ..
المدير: وهما بوظولى المحل مش كده .. باقى حسابك كام
فريدة: يافندم ...
المدير: اخلصى ..خدى (رمالها الفلوس) يلا مع السلامة ماشوفش وشك تانى ف اى محل فالمول
يلا ناقصين مشاكل وناس همج شوارعيه
كان الامن طلعنا احنا ال 3 برة المول
وهى طلعت ورايا
متنرفزة
فريدة: هو انا قولتلك تعالى دافع عنى ؟ حرام عليك ياشيخ قطعت اكل عيشى
امير : (كنت متعور عند شفايفى وبنزل دم ) انا فكرت اساعدك
وبعدين انا محبش حد يكلمك كده
شادى: انت متعور يا صاحبى .. استنى اروح اجيب قطن وميكركروم من الصيدليه
فريدة: وانت مالك حد يكلمنى ولا ميكلمنيش طيب؟ انت داخلك ايه
امير: داخلى انى بحبك !!
فريدة: ايه ؟ بحبك ؟ بحبك كده عادى
امير: ايوة عادى.. زى ماباكل زى م بشرب
بحبك
جزء اساسى فحياتى حبك من يوم م وقعتى واغمى عليكى وفوئتك
وانا مش ناسيكى
فريدة: انت تعرفنى ؟ تعرف ظروفى شكلها ايه ؟
امير: هعرف.. وبرضو هحبك
فريدة: (استهزئت بكلامى وضربت كف ع كف ) انت اكيد مبلبع حاجة
امير: اخويا بيلبع .. لكن انا لا
فريدة: هههههههههههههه
امير: ايوة والله ضحكتك حلوة ، ومدام ضحكتى بقى (مسكت ايدها للتعارف.. بس انا كنت بتلكك )
انا امير
27 سنة
عندى محل ورد
ووزنى 75 كيلو !
فريدة: ههههههههههه اسمك امير .. امير الجنان
انت طلعتلى منين بس
امير: متخافيش.. هجيبلك شغل
وهنبقى سوا
ومش هسيبك من هنا ورايح ابدآ
فريدة: وانت حكمت خلاص اننا هنبقى سوا
امير: انا مش حكمت .. انا حلمت
وربنا هيحقق حلمى
.........................
10 دقايق سرحان .. ورحت لدنيتها
وبعدين افتكرت .. ولبست بسرعه عشان متأخرش..
نزلت
وروحت لمحل الدهب
جبتهلها دلاية عليها الحرف بتاعى
اصل هى فمرة كنا خارجين سوا وبناكل درة مشوى.. بصت ع محل الدهب وقولتلها نفسك ف ايه ؟
قالتلى دلاية دهب عليها حرفك
قولتلها طب سلسلة وفيها الدلايه.. قالتلى لا الدلاية دلوقت
والسلسة بعد الجواز
بس هى مشيت وسابتنى واختارت البعد من قبل م اجيبها
انا انهاردة هجيبهالها واروحلها عشان تسامحنى
وفعلا اشترتها
واستنتها فالمكان بتاعنا ... ولما اتأخرت!
اتصلت بفونها
لاقيته مقفول
وخلاص اتأكدت انها مش جاية ..
مشيت وسكاكين بتقطع فقلبى ..بتقولى الحقيقة الى مش عايز افوق عليها
مجروح قلبى يارب
مشيت ومشيت ومشيت
ولاقيتنى رايح برجلى لمكان مكنتش اتوقع
انى اروحه !!
ودخلت المكان وانا متردد..
___: اسم حضرتك ايه
امير: امير
___: اوك اتفضل استريح
وجه دورى
____: استاذ امير .. اتفضل
خبطت ع الباب وفتحت ..قبل م يتكلم سبقته:.
امير: مكنتش تتوقع انى اجيلكك صح ؟ بس جيت
عشان تعبت
ايمن:كنت متفاجئ لما قالتلى البنت انك برة، طب ادخل .. ادخل
دخلت وقعدت معاه .. الدكتور ايمن !!
غريبة صح
ازاى اروحلة وانا لسه طرده اكتر من مرة
بس انا تعبت.. ونفسى ارتاح
وهو قال هيساعدنى
افتكرت عنوانه فالكارت الى حطه فاجندتى لما فتحها اول مرة .. العنوان الى تقريبا حفظته
عشان كنت عارف انى هروحله فيوم من الايام !
ايمن: ازيك ياامير ؟
امير: تعبان !
ايمن: انت الى تاعب نفسك، لو تتكلم معايا واقدر اساعدك
امير: انا جيت بس عشان انت قلت انا هساعدك
وفعلا محدش من الى حواليا قادر يساعدنى
ايمن: يعنى انت بجد تعبان بسبب بنت ؟
امير: بسبب روح كانت ساكنة روحى وسابتها
ايمن: ممممم طيب معظم الناس بتسيب وبتفشل فعلاقات
محدش بيعمل زيك
امير: مقدرش اقول انها فشلت .. لانها مفشلتش
مع ان هى اختارت ليها نهاية فاشلة قدام كل الناس
ومقدرش اقول سيبنا بعض لانى مسبتهاش
هى الى سابتنى
ايمن: طيب مدام بتحبها كده .. م تحاول تصالحها؟
وترجعو
وتبقى احسن
امير: وان كان فيه شئ بيعجزك عن كده
ايمن: فهمتك.. الكرامة مش كده
كان قايم يحط شريط كاسيت عشان يبتدى الجلسه وفجأته بالاجابة!!
امير: فيه شئ اقوى من الكرامة!
ايمن: ايه هو ؟
امير: الموت !!!!
وهكملكم بكرة..
يتبع...
