إيناس عزالدين لجمهورها في أول ظهور لها بعد عملية جراحية: "أنتم مصدر قوتي" (صور)
قالت المطربة الشابة إيناس عز الدين، نجمة برنامج المواهب "آراب أيدول"، إنها عانت من آلام شديدة خلال الفترة الماضية، مشيرًة إلى أن زوجها المطرب أحمد قمر، كان بجوارها ويقرأ لها رسائل الجمهور، معتبرًة إياه مصدر قوتها.
ونشرت "عزالدين"، صورة جديدة لها عبر حسابها الرسمي على "فيس بوك"، بعد نجاح عمليتها الجراحية، وعلقت: "أول يوم أفوق فيه وافتح عيني من بعد العملية عدت عليا الأيام اللي فاتت كنت بتمنى من ربنا إني ما أفوقش من المسكنات ولو لحظة علشان ما أحسش بالألم اللي بالنسبالي كان لا يحتمل بما تحمله الكلمة من معنى".
وتابعت: "ولسه بحاول أتجاهل عذاب الألم علشان بس أقولكم كلمتين من جوه القلب، عايزة أقولكم في عز تعبي ونومي كان أحمد يمسك الموبايل يقرالي رسايلكم وتعليقاتكم وبوستاتكم ودعواتكم ويحكيلي عن مكالماتكم وكنت بسمع وبحس حتى وأنا مش في وعيي ما صدقتش كم المكالمات والدعوات والرسايل والخوف والقلق اللي كانوا عندكم عليا كإني من دمكم أنا مش عارفة أقولكم قد إيه أنا اكتشفت إني غنية ومليونيرة بس مش فلوس".
وأضافت: "غنية ومليونيرة بيكم أنتم أعظم كنز ممكن إنسان يتمناه كل دعوة خففت عني ألم وكل لحظة خوف هونت عليا تعب صدقوني لو عمري بإيدي حهديهولكم علشان هو بالفعل ملككم أنتم يا أهلي وأصحابي وجمهوري، ياتاج راسي، أنتم مصدر قوتي".
