خالد دياب بعد عرض "طلق صناعي": "مي كساب ما بتعرفش تمثل"
قال السيناريست والمخرج خالد دياب، إن الفنانة مي كساب، لا تعرف التمثيل، مشيرًا إلى طبيعية في أداء مشاهدها.
وكتب عبر "فيس بوك": "مي كساب ما بتعرفش تمثل، عندي التمثيل ان الممثل ما يمثلش، إنه يبقي طبيعي وهي دي مي كساب طبيعية ما بتمثلش (طبيعية ما بتعرفش تمثل)".
وأضاف: "مي دورها كان كبير جدا في طلق صناعي يليق بقيمتها ونجوميتها لكن دخل علينا موسم رمضان والممثلين دخلوا مسلسلات فإتأجل تصوير الفيلم ومي كانت حامل فصورت مشاهد ليها وهي حامل في الشهر التاني ومشاهد وهي في السادس ومشاهد في التاسع -ربنا يخلي بنتها- فنتيجه لما يسمي الراكور اللعين واجهنا مشاكل".
واستطرد: "أنا كنت شايف أدائها هايغطي علي الراكور بس كان في مشاهد واضح فيها جدًا اختلاف الشكل فشيلت من مشاهدها وأنا بجد بتقتطع".
واستكمل: "أنا بتفرج علي الفيلم وسط الجمهور في مصر ودبي كل ما مي تتكلم الناس تضحك فانا اقول لواحد من صناع الفيلم هو مكانش ينفع اسيبلها مشهد أو اتنين كمان! يقولي الراكور يا استاذ، فعلًا أنا والناس كان نفسنا مي تبقي أكتر في الفيلم بس عزائي الوحيد إن كل مشهد لـ مي في الفيلم الناس بتموت من الضحك خصوصًا البنات والستات معرفش ليه"!.
واختتم: "مي قلبها أبيض بجد ما زعلتش وساندت الفيلم لغاية آخر دقيقة وجت العرض الخاص هي وجوزها أوكا الي سعيد انه جه، مي بجد أنا اتشرف اني اشتغلت معاكي وأحب جدًا نشتغل مع بعض تاني".
