الموهوب.. "سيد" السينما المصرية

عنده 60 سنة .. بس لسة شباب.. لسة بيحلم .. لسة بيعافر .. سيد السينما المصرية.. "سيد رجب"

 

هتصدقني لو قولتلك انه بدأ التمثيل اواخر الثمانينات؟

 

كان مؤمن بالمسرح التجريبي جدا وكان بيعمل اللى حاسس انه عايز يعمله.. عنده موهبة وشايف نفسه فيها، مؤمن أنه هيحقق حلمه في يوم من الأيام..

 

فضل يمثل على خشبة المسرح كثير وياخد كورسات تمثيل أكثر.. كان بيسأل نفسه دائمًا..

هو انا هموت من غير ما أمثل قدام الناس؟

 

مش بس كدة لما حد يسأله انت بتشتغل ايه ؟  فيقول "أنا ممثل" .. كانوا بيضحكوا عليه ويسألوه "انت بتمثل فين بقى؟".

 

مسمعش .. طنش.. يمكن كمان كان بيتفرج على التلفزيون ويشوف ناس اققل منه واقفين في المكان اللي مفروض هو يكون واقف فيه.. رغم كدة متذمرش.. فضل يعافر ويحاول..

 

لحد ما جتله فرصة حقيقية مع المخرج المبدع مروان حامد في فيلم "إبراهيم الأبيض".. كان رايح على دور جوز سوسن بدر اللي هيدخلوا ناس يقتلوه في أول الفيلم وخلاص دوره يخلص..

 

المهم بدأ يقرأ السيناريو ويمثل كل دور موجود بأتقان.. خلى الأستديو كله يركز معاه.. يركز مع ابداعه!

 

مروان حامد ساعتها قال لا ده يعمل دور المعلم سراج والدور حجمه اتغير خالص علشان تكون ناقلة في حياة سيد رجب.. علشان يتعرف بعد 20 سنة من التمثيل..

 

مش شرط تستنى 20 سنة.. بس طالما عندك الموهبة .. إستنى!؟ متقولش أنك عجزت.. العجز الحقيقي انك تتخيل ده.. العجز الحقيقي في دماغك أنت وبس..

 

بعد إبراهيم الأبيض اشتغل سيت كوم خفيف مع المخرجة كاملة أبوذكري وبعدين مسلسل حارة اليهود ثم اصبح .. رئيس قسم التمثيل .. فعلا اللى عايز ينجح يجيب سيد رجب ويمثل جنبه..

 

ربنا يخليك لينا يا مروان ياحامد.