عمر طاهر يشعل "فيسبوك" بتذكرة فرعونية بـ "1000جنيه": "مجانين ولا إيه حكايتكم"
آثار الكاتب والسيناريست عمر طاهر، حالة من الجدل بين رواد مواقع التواصل الاجتماعي "فيس بوك" حيث نشر عبر صفحته صورة لتذكرة دخول لمقبرة نفرتاري بالأقصر والتي أظهرت أن قيمتها ألف جنيه للمصريين.
وكتب طاهر: "عن تجربة شخصية وتصويرى ومش نقلا عن حد وفكرت في أى مبرر مقنع فعلا مش لاقى.. مش عارف مين العبقرى صاحب قرار أن تذكرة زيارة مقبرة نفرتارى ألف جنيه ؟ يعنى أنت مش عارف تتشملل وتجيب سياح تروح مريح كالعادة على واحد واخد عياله الأقصر وطالع بيهم جبل عشان الموظف يقوله 1000 جنيه فيلف ويرجع محرج... أفهم أن التذكرة عاملة 50 دولار للخواجة ماشى... لكن أنا كمصري أنت فاهم عملت إيه ؟ ولا إنتوا مش عايزينا ندخل ولا انتوا مجانين ولا ايه حكايتكم؟".
وجاءت العديد من التعليقات على ما نشره طاهر، وبلغ التفاعل مع "التدوينة" إلى حد إعادة نشرها لأكثر من 6 آلاف مرة، وكان من بينها مستاءون من الواقعة، وبعض المدافعين، ودخل الطرفان في جدل طويل بشأن أسباب كل منهم، ما دفع صاحب التدوينة الأصلية إلى نشر أخرى جديدة جاء فيها: "الناس اللى بتبعت تعليقات أن سعر التذكرة عرض وطلب وإنه حماية للمقبرة، العرض والطلب مش لايق على أثر فرعونى ليا فيه زى ما لزاهى حواس بالضبط.. بس قبلنا الفكرة ماشى، لو قبلنا فكرة العرض والطلب.. ممكن تتجنب استفزاز الناس ويبقى الدخول بتصاريح تطلع للمحتاج لده فعلا ونقفلها لعموم الناس بدل استفزازهم، ولو خايف ومفيش قدرة على حماية الأثر، وده مش حقيقي؛ لأن كل جدران بقية المقابر خلف ألواح زجاجية وظروف تهوية وإضاءة بعينها وتصوير ممنوع".
وواصل طاهر: "حتى لو مش قادر تعمل ده أقفلها لأني ممكن أدخل بـ 1000 جنيه اعمل اللى أنا عايزه برضه.. المبلغ مش مقياس لثقافة اللى معاه... وادى الملكات فيه مقابر كتيرة مقفولة وماحدش اتضايق.. فقفلها مش هيضايق حد لأنك بتحافظ على حاجة أنت مش محدد عايز تفتحها للناس ولا خايف من الناس ولا فاتحها لناس معينة بس اللى معاه فلوس يخش قشطة".
